ရှမ်းပြည်နယ်မြောက်ပိုင်း မူဆယ်မြို့နယ်တွင် ကိုးကန့်တပ်မတော်(MNDAA)နှင့် စစ်ကောင်စီတပ်တို့ ယမန်နေ့က တိုက်ပွဲဖြစ်ပွားခဲ့ရာ စစ်ကောင်စီတပ်မှ သေဆုံးထိခိုက်ရှိသည်ဟု MNDAA တပ်ဖွဲ့ဝင် တစ်ဦးက ပြောကြားသည်။
ဇွန်လ ၂၆ရက် နေ့လည် ၂နာရီခန့်တွင် တိုက်ပွဲဖြစ်ခဲ့ပြီး ၁နာရီခန့် ကြာမြင့်ခဲ့သည်ဟု ဆိုသည်။
“စစ်ကောင်စီတပ်တွေက (၁၀၅)မိုင်ကနေ နမ်တောင်ရွာကို ချီတက်လာတယ်။ ချီတက်လာပြီးတော့ နမ်တောင်ရွာ အနောက်ဘက်ခြမ်းမှာရှိတဲ့ ကျွန်တော်တို့ တပ်စခန်းကို သူကထိုးဖောက်လာတယ်။ ထိုးဖောက်လာတော့ ကျွန်တော်တို့တပ်ကလည်း သူတို့ကို သွားရောက်ပြီးတော့ ကြားဖြတ်တိုက်ခိုက်ခဲ့တယ်”ဟု MNDAA တပ်ဖွဲ့ဝင်က ပြောသည်။
အဆိုပါ တိုက်ပွဲတွင် MNDAA တပ်ဖွဲ့ဝင်များ ထိခိုက်ကျဆုံးမှုမရှိကြောင်း၊ တိုက်ပွဲဖြစ်ပွားရာနေရာမှ ဦးစွာဆုတ်ခွာခဲ့ကြောင်း ၎င်းက ဆိုသည်။
Public Service Announcement
“ကျွန်တော်တို့က ကြိုတင်ဆုတ်ခွာခဲ့တော့ ရန်သူဘက်ရဲ့ ထိခိုက်ကျဆုံးမှု အသေးစိတ် မသိရသေးဘူး အထိအခိုက်တော့ရှိမှာပါ”ဟု MNDAAတပ်ဖွဲ့ဝင်က ပြောသည်။
