'/%3E%3C/svg%3E){kind=small}
အောက်တိုဘာ-၂၀၊၂၀၂၆။မိထက်/People’s Spring
ရှမ်းပြည်နယ်မြောက်ပိုင်း၊ မူဆယ်မြို့ စွမ်စော်ရပ်ကွက်မှာ စက်သုံးဆီဆိုင်မီးလောင်မှုကို မြို့ခံမီးသတ်တပ်ဖွဲ့က မနိုင်တဲ့အတွက် တရုတ်နိုင်ငံ မီးသတ်က လာရောက် ငြှိမ်းသတ်ပေးရတယ်လို့ မြို့ခံတွေကပြောပါတယ်။
စက်သုံးဆီဆိုင်ရဲ့ ဆီသိုလှောင်ကန်ဟာ ဒီကနေ့ အောက်တိုဘာ ၂၀ ရက် မနက်၁၁ နာရီခန့်မှာ မီးလောင်ကျွမ်းခဲ့တာပါ။
” မူဆယ်က မီးသတ်ကားတွေလာတယ်။ ဒါပေမယ့် မီးမနိုင်တော့ တရုတ်မီးသတ်ကားတွေ နယ်စပ်ပေါက်ကနေဝင်လာပြီး မီးငြှိမ်းပေးတာ။ မီးသာ ဆက်များရင် မလွယ်ဘူးလေ”လို့ မြို့ခံတစ်ဦးက ပြောပါတယ်။
Public Service Announcement
မူဆယ်နဲ့ နယ်စပ်ဖြစ်တဲ့ တရုတ်နိုင်ငံ၊ ရွှေလီမြို့ကနေ ရှေ့ပြေးယာဥ် ၂စီး၊ မီးသတ်ကား ၅ စီးလာရောက်ကူညီငြိမ်းသတ်ခဲ့တယ်လို့ ဒေသခံတွေက ပြောပါတယ်။
ဒီကနေ့ မွန်းလွဲပိုင်းမှာတော့ မီးငြှိမ်းသတ်နိုင်ပြီလို့ သိရပါတယ်။
စစ်ကောင်စီဟာ နိုင်ငံရေးအရ တရုတ်အစိုးရကိုမှီခိုနေရသလို မူဆယ်မြို့အပါအဝင် နယ်စပ်ဒေသတွေမှာ တရုတ်နိုင်ငံနဲ့ ကုန်သွယ်ရေးကဏ္ဍ၊ ဒေသတွင်းတရားဥပဒေစိုးမိုးရေးကဏ္ဍတွေမှာလည်း တရုတ်ဘက်ကို မှီခိုနေရပါတယ်။
