Connect with us

Hi, what are you looking for?

သတင်း

တိုင်းပြည်အာဏာလူထုထံပြန်အပ်ဖို့ တွန်းအားပေးမယ်လို့ တရုတ်နိုင်ငံခြားရေးဝန်ကြီးပြော၊ အတိုက်အခံနဲ့ဆွေးနွေးဖို့လည်းစစ်ကောင်စီကို တရုတ်တိုက်တွန်း

မနေ့က ဇူလိုင်လ ၃ ရက်မှာ အာဆီယံအထူးကိုယ်စားလှယ်နဲ့ တွေ့ဆုံဆွေးနွေးချိန် ထည့်သွင်းပြောခဲ့တာလို့ ရန်ကုန်မြို့ မှာရှိတဲ့တရုတ်သံရုံးက ထုတ်ပြန်ပါတယ်။

အာဆီယံအထူးကိုယ်စားလှယ်နဲ့ တရုတ်နိုင်ငံခြားရေးဝန်ကြီး
အာဆီယံအထူးကိုယ်စားလှယ်နဲ့ တရုတ်နိုင်ငံခြားရေးဝန်ကြီး

ဒီမိုကရေစီအသွင်ကူးပြောင်းရေးလုပ်ငန်းစဉ်ပြန်လည်စတင်ပြီးတိုင်းပြည်အာဏာကို ပြည်သူတွေထံ ပြန်အပ်ဖို့ အာဆီယံနဲ့အတူ တွန်းအားပေးမယ်လို့ ပုဂံကိုရောက်နေတဲ့ တရုတ်နိုင်ငံခြားရေးဝန်ကြီး ဝမ်ယိကပြောလိုက်ပါတယ်။

မနေ့က ဇူလိုင်လ ၃ ရက်မှာ အာဆီယံအထူးကိုယ်စားလှယ်နဲ့ တွေ့ဆုံဆွေးနွေးချိန် ထည့်သွင်းပြောခဲ့တာလို့ ရန်ကုန်မြို့ မှာရှိတဲ့တရုတ်သံရုံးက ထုတ်ပြန်ပါတယ်။

အာဆီယံအထူးကိုယ်စားလှယ်နဲ့ တွေ့ဆုံချိန် စစ်တပ်အာဏာသိမ်းပြီးနောက်ဖြစ်ပေါ်လာတဲ့ မြန်မာ့အရေးနဲ့ပတ်သက်ပြီး တရုတ်နိုင်ငံရဲ့မျှော်လင့်ချက် ၃ ချက်ကို ပြောပြခဲ့တယ်လို့သိရပါတယ်။

အဲဒီအချက်တွေဟာ အခြေခံဥပဒေအောက်ကနေ မြန်မာနိုင်ငံ ရဲ့ နိုင်ငံရေးပြန်လည်သင့်မြတ်ရေး တွန်းအားပေးဖို့ ၊ ဒီမိုကရေစီအသွင်ကူးပြောင်းရေးလုပ်ငန်းစဉ်ပြန်လည်စတင်ပြီး တိုင်းပြည်အာဏာကို လူထုထံပြန်အပ်ဖို့ ၊ အာဆီယံက အာဆီယံ နည်းလမ်းအတိုင်း ပြည်တွင်းရေးကိုဝင်မစွတ်ဖက်ဘဲ ပေါင်းစပ်ညှိနှိုင်းရေး မူနဲ့မြန်မာ့အရေးကို စိတ်ရှည်ရှည်ဖြေရှင်းဖို့ တို့ဖြစ်ပါတယ်။

Public Service Announcement

Public Service Announcement

တရုတ်ရဲ့ မျှော်လင့်ချက် ၃ ချက်ထဲမှာ စစ်တပ်အသာစီးရယူထားတဲ့ အခြေခံဥပဒေအောက်ကနေ မြန်မာ့အရေးကိုအဖြေရှာဖို့ အချက်ကိုတွေ့ရပါတယ်။

နွေဦးတော်လှန်ရေးအင်အားစုတွေကတော့ စစ်အုပ်စုရဲ့ အခြေခံဥပဒေကို လုံးဝဖျက်သိမ်းပြီး ဖက်ဒရယ်ဒီမိုကရေစီ ပြည်ထောင်စုအခြေခံဥပဒေတစ်ရပ်အသစ်ဆွဲဖို့ စိတ်ပိုင်းဖြတ်ထားကြပါတယ်။

တရုတ်နိုင်ငံခြားရေးဝန်ကြီးဟာ မဲခေါင်မြစ်ဖြတ်သန်းစီးဆင်းရာ နိုင်ငံတွေကိုစုဖွဲ့ထားတဲ့ လန်ချန်း − မဲခေါင် ပူးပေါင်းဆောင်ရွက်ရေးနိုင်ငံခြားရေးဝန်ကြီးအစည်းအဝေးကို ဥက္ကဋ္ဌအနေနဲ့ ပုဂံမှာကျင်းပဖို့ မြန်မာနိုင်ငံကိုရောက်ရှိနေတာပါ။

ခရီးစဉ်အတွင်းမှာ စစ်ကောင်စီနိုင်ငံခြားရေးဝန်ကြီးနဲ့လည်းတွေ့ဆုံခဲ့ပါသေးတယ်။ AFP သတင်းဌာနရဲ့ဖော်ပြချက်အရ အတိုက်အခံတွေနဲ့လည်း တွေ့ဆုံဆွေးနွေးဖို့ စစ်ကောင်စီကို တရုတ်နိုင်ငံခြားရေးဝန်ကြီးက တိုက်တွန်းခဲ့တယ်လို့သိရပါတယ်။

ဆက်စပ်သတင်းများ

နိုင်ငံတကာ

တရုတ်နိုင်ငံ မြောက်ပိုင်းက စီးပွားရေး လုပ်ငန်းသုံး တိုက်တစ်လုံးမှာ မီးလောင်မှုကြောင့် ၁၄ ဦးထက်မနည်း သေဆုံးခဲ့ကြောင်း သိရပါတယ်။

သတင်း

ပြည်ပ​ကြွေမြီဒေါ်လာ ၁၁ ဘီလီယံခန့်ရှိ

နိုင်ငံတကာ

တရုတ် စစ်တပ်ထဲက ထိပ်တန်း စစ်ဗိုလ်ချုပ်တွေကို ဖယ်ရှားရှင်းလင်းခဲ့တဲ့ သမ္မတ ရှီကျင့်ဖျင်ရဲ့ အစီအမံတွေကို အဓိက ဦးဆောင် တာဝန်ယူပေးခဲ့သူ စစ်ဗိုလ်ချုပ် တစ်ဦးဟာ အခုအခါ ရာထူး တိုးသွားခဲ့ပါတယ်။

နိုင်ငံတကာ

တရုတ် ကုမ္ပဏီတွေက ကြော်ငြာစာချုပ်တွေ ရပ်ဆိုင်းတာ အပါအဝင် ပြင်းထန်တဲ့ တုံ့ပြန်မှုတွေ ကြုံလာတဲ့နောက် ပြင်သစ် လက်ရွေးစင် အသင်း တိုက်စစ်မှူး ကိုင်လီယန် အမ်ဘက်ပေက တရုတ် ကွန်မြူနစ်ပါတီ (CCP) ထူထောင်သူ မော်စီတုန်းကို အာဏာရှင်လို့ ရည်ညွှန်းခဲ့မိတဲ့ သူ့စကားအတွက် ပြန်လည် တောင်းပန်ခဲ့ပါတယ်။