ကချင်ပြည်နယ် ရွှေကူမြို့နယ်တွင် ကချင်လွတ်လပ် ရေးတပ်မတော်(KIA)နှင့် ပြည်သူ့ကာကွယ်ရေးတပ်(PDF) တို့ ပူးပေါင်းတိုက်ခိုက်ခဲ့၍ စစ်ကောင်စီတပ်မှ အရာရှိ အပါအဝင် သေဆုံးထိခိုက်များပြားခဲ့ကြောင်း မြို့လှ PDFက သတင်းထုတ်ပြန်သည်။
ယနေ့ (ဩဂုတ် ၁၀ရက်) နံနက်က စစ်ကော်စီ၏ ခမရ(၄၁၅) နှင့် ခလရ(၁၀) တပ်တို့မှ အင်အား ၇၅ဦး ခန့်သည် ဧရာဝတီမြစ်ကမ်းဘေးရွာများနှင့်အနီးတစ်ဝိုက် မြစ်ကြောင်းလုံခြုံရေးယူရန် နယ်မြေရှင်းလင်း ထိုးစစ်ဆင်လှုပ်ရှားလာစဉ် တိုက်ခိုက်ခံရခြင်းဖြစ်သည်။
ရွှေကူမြို့နယ် ကျောက်တလုံးရွာမှ ယနေ့နံနက် ၄နာရီခွဲ၌ ရွောအထက်ဘက်သို့ စစ်ကြောင်းထိုး ထွက်လာစဉ် KIA တပ်ရင်း(၅) တပ်ရင်းမှ ဗိုလ်နေရောင် အဖွဲ့ က ကြိုတင် စောင့်ဆိုင်းကာ မိုင်းဆွဲတိုက်ခိုက်ခဲ့ကြောင်း ဖော်ပြထားသည်။
မိုင်းဆွဲတိုက်ခိုက်ခြင်းကြောင့် စစ်ကောင်စီဘက် မှ ၆ ဦး ထက်မနည်း သေဆုံးပြီး ၁၀ဦးထက်မနည်း ဒါဏ်ရာ၊ ပြင်းထန် ရရှိခဲ့ကြောင်း ၊ စစ်ကောင်စီတပ်သည် ဒေသခံရွာသားများကို ဓားစာခံအဖြစ် ဖမ်းဆီးထားကြောင်း မြို့လှ PDFက ထုတ်ပြန်သည်။
Public Service Announcement
ကျန်နေသည့် စစ်ကောင်စီတပ်သားများက တိုက်ပွဲ၌ ကျဆုံးခဲ့သည့် စစ်ကောင်စီ အရာရှိ ၃ဦးအား မီးသင်္ဂြိုလ်ပေးခဲ့ကြောင်း ဖော်ပြထားသည်။
