ရုရှားသမ္မတနဲ့တွေ့ဆုံခွင့်ရလို့စစ်ကောင်စီခေါင်းဆောင်ပျော်မြူးနေ

အာဏာသိမ်းပြီးနောက် ရုရှားနိုင်ငံထံ ချောင်းပေါက်မတတ်သွားရောက်ခဲ့တဲ့ စစ်ကောင်စီခေါင်းဆောင်ဟာ သုံးကြိမ်မြောက်ခရီးစဉ်မှာ ရုရှားသမ္မတ ပူတင်နဲ့ တွေ့ဆုံခွင့်ရလို့ ပျော်ရွှင်ကျေနပ်နေတာကိုတွေ့ရပါတယ်။

ရုရှားနိုင်ငံမှာ ကျင်းပနေတဲ့ အရှေ့ဖျားစီးပွားရေးဖိုရမ်ကို လာတက်တဲ့ စစ်ကောင်စီခေါင်းဆောင်ကို ပူတင်က ဒီနေ့ မှာ လက်ခံတွေ့ဆုံခဲ့တာပါ။

အဲဒီတွေဆုံမှုကို ရိုက်ကူးထားတဲ့ ရုပ်သံမှတ်တမ်းထဲမှာ စစ်ကောင်စီခေါင်းဆောင်ဟာ ပူတင်ကို လက်အုပ်ချီ ပြီး မင်္ဂလာပါလို့ နှုတ်ဆက်ကာ ပြုံးပျော်ရွှင်နေတာကိုတွေ့ရပါတယ်။

ဒါအပြင် ရုရှားသမ္မတ ပူတင်ကို ကမ္ဘာ့ခေါင်းဆောင်ကြီးလို့ ခေါ်ဝေါ် သုံးစွဲသလို ပူတင်ဟာ ကမ္ဘာရေးရာတွေမှာ သမာသမတ်ကျကျဆောင်ရွက်ပေးနေတယ်လို့ မြှောက်ပင့်ပြောဆိုသွားပါသေးတယ်။

Public Service Announcement

တွေ့ဆုံမှုမှာလည်း ဆက်လက်ဆွေးနွေးလိုတဲ့အကြောင်းအရာတွေကို ဆက်ပြောခွင့်ရအောင် ပူတင်ဆီက မင်းအောင်လှိုင်က ခွင့်ပြုချက်တောင်းတာကိုလည်းတွေ့မြင်ရပါတယ်။

စစ်ကောင်စီခေါင်းဆောင်ဟာ အာဏာသိမ်းပြီးနောက် နိုင်ငံတကာရဲ့ ဖယ်ကျဉ်မှုကိုခံနေရပြီး ရုရှားနိုင်ငံသာကို ချောင်းပေါက်မတတ်သွားနေတာပါ။