Connect with us

Hi, what are you looking for?

LuduNwayOo

သတင်း

ရုရှားသမ္မတကို ပထမဆုံးအကြိမ်တွေ့ဆုံခွင့်ရချိန်တွင် ကမ္ဘာ့ခေါင်းဆောင်ဟု မင်းအောင်လှိုင်မြှောက်ပင့်

အခြားသတင်းတရပ်တွင် မင်းအောင်လှိုင်သည် ရုရှားထံမှ လောင်စာစီဝယ်ယူထားပြီး မကြာမီရက်ပိုင်းအတွင်း ပို့ဆောင်ပေးမည်ဟု မျှော်လင့်ထားကြောင်း ပြောသည်။

(အာဏာသိမ်း​ခေါင်​ဆောင်နှင့် ရုရှားသမ္မတတို့ ​တွေ့ဆုံစဥ်။ ဓါတ်ပုံ-Kremlin)
(အာဏာသိမ်း​ခေါင်​ဆောင်နှင့် ရုရှားသမ္မတတို့ ​တွေ့ဆုံစဥ်။ ဓါတ်ပုံ-Kremlin)

တရားမဝင်အာဏာသိမ်းစစ်ခေါင်းဆောင် မင်းအောင်လှိုင်က ရုရှားသမ္မတဗလာဒီမာပူတင်ကို ပထမဆုံး​တွေ့ခွင့်ရချိန်တွင်ကမ္ဘာ့ခေါင်းဆောင်အဖြစ် ရှုမြင်ကြောင်း မြှောက်ပင့်ပြောဆိုသည်။

အာဏာသိမ်းပြီးနောက်ပိုင်း ရုရှားကို ၃ ကြိမ်မြောက်သွားရောက်သည့်ခရီးစဉ်တွင်မှ ပူတင်ကို ပထမဆုံးအကြိမ်တွေ့ဆုံခွင့်ရချိန်၌ မင်းအောင်လှိုင်က မြှောက်ပင့်ပြောဆိုခဲ့ခြင်းဖြစ်သည်။

ယခုတွေ့ဆုံမှုသည်လည်း နိုင်ငံတော်အဆင့်ဧည့်ခံကြိုဆိုတွေ့ဆုံခြင်းမဟုတ်ဘဲ မြို့တော်မော်စကိုနှင့် ကီလိုမီတာ ၉၁၂၉ (မိုင် ၅၆၇၂ ကျော်)ဝေးကွာသည့် ဗလာဒီဗို့စ်တော့မြို့၌ ကျင်းပ သည့် အရှေ့ပိုင်းစီးပွားရေးဖိုရမ်(EEF)၌ လက်ခံတွေ့ဆုံခြင်းဖြစ်သည်။

ယူကရိန်းနိုင်ငံကို ရုရှား၏ကျူးကျော်စစ်ပွဲကြောင့် ကမ္ဘာ့နိုင်ငံအများအပြား၏ ပြစ်တင်ရှုတ်ချမှုနှင့် ပိတ်ဆို့ဒဏ်ခတ်မှုများနှင့် ရင်ဆိုင်နေရသည့် ရုရှားခေါင်းဆောင်ကို နိုင်ငံတကာရပ်ဝန်းကို တည်ငြိမ်အောင်လုပ်ဆောင်နေသူအဖြစ် မြန်မာနိုင်ငံ၏ စစ်ရာဇဝတ်မှုများကျူးလွန်နေသူ မင်းအောင်လှိုင်က မြှောက်ပင့်ပြောဆိုခြင်းဖြစ်သည်။

“လွန်ခဲ့တဲ့ နှစ်ပေါင်း ၃၀ လောက်က အခြေအနေ အခက်အခဲများစွာရှိခဲ့ပြီး အဲဒါကို ကျော်ဖြတ်လာခဲ့ပြီးမှ အဆွေတော် တာဝန်ယူတဲ့ ဆယ်စုနှစ်တစ်ခု ကျော်ကျော်လောက်အတွင်းမှာ ရုရှား နိုင်ငံဟာ တကယ်ကို ကြီးကျယ်၊ ကမ္ဘာ့ထိပ်တန်းနိုင်ငံတစ်ခုအဖြစ် ရောက်ရှိနေပြီဆိုတာ ကျွန်တော်တို့ မျက်ဝါးထင်ထင် တွေ့မြင်ရပါတယ်။ အဆွေတော်ရဲ့ ဦးဆောင်မှုကြောင့် ရုရှားနိုင်ငံ အခုလို ထိပ်တန်းနိုင်ငံဖြစ်လာတဲ့အတွက်ကြောင့် အဆွေတော်ရဲ့ ဦးဆောင်မှုကြောင့် ခေါင်းဆောင်မှုလည်း များစွာ ချီးကျူး ဂုဏ်ပြုပါကြောင်း ပြောလိုပါတယ်။ အဆွေတော်ဟာ ကမ္ဘာ့ခေါင်းဆောင် တစ်ယောက် ဖြစ်ပြီးတော့မှ ကမ္ဘာ့အရေးကိစ္စတွေကိုလည်းသမာသမတ်ကျကျ မှန်မှန်ကန်ကန်လုပ်ဆောင်နေတာလည်း ကျွန်နော်တို့ တွေ့ပါတယ်” ဟု မင်းအောင်လှိုင်က ဆိုသည်။

ရုရှားသမ္မတ ပူတင်ကလည်း “အရှေ့တောင်အာရှမှာ မြန်မာနိုင်ငံဟာဆိုရင် ရုရှားရဲ့ ရေရှည်ပြီးယုံကြည်စိတ်ချရတဲ့မိတ်ဖက်ဖြစ်ပါတယ်” ဟု ပြောသည်။

ရုရှား-မြန်မာ နှစ်နိုင်ငံဆက်ဆံရေးနှင့် ပူးပေါင်းဆောင်ရွက်ရေး ကောင်းမွန်စွာတိုးတက်နေပြီး ကုန်သွယ်ရေး၊ စီးပွားရေး ပူးပေါင်းဆောင်ရွက်ရေးပမာဏသည် သိပ် မကြီးမားသော်လည်း အလားအလာကောင်းကြောင်း ပူတင်က ပြောသည်။

ထို့အပြင် အကြမ်းဖက်စစ်ခေါင်းဆောင်က ပူတင်ကို တိကျသည့်သတင်းအချက်အလက်များပေးရန် ရှိသည်ဟု ပြောကြားသည်ဟုဆိုသည်။

အခြားသတင်းတရပ်တွင် မင်းအောင်လှိုင်သည် ရုရှားထံမှ လောင်စာစီဝယ်ယူထားပြီး မကြာမီရက်ပိုင်းအတွင်း ပို့ဆောင်ပေးမည်ဟု မျှော်လင့်ထားကြောင်း ပြောသည်။

ရုရှားသည် စစ်တပ်က မြန်မာပြည်သူများကို သတ်ဖြတ်နိုင်ရေးအတွက် တိုက်လေယာဉ်အပါအဝင် စစ်လက်နက်ပစ္စည်းအမျိုးမျိုးကို ရောင်းချပေးနေသည့် နိုင်ငံဖြစ်သည်။

You May Also Like

နိုင်ငံတကာ

တောင်ကိုရီးယား လေပိုင်နက် အပြင်ဖက်က လေကြောင်း ကာကွယ်ရေးဇုန် သတ်မှတ်ထားရာ ဧရိယာကို တရုတ်လေယာဉ် ၂ စီးနဲ့ ရုရှား လေယာဉ် ၆ စီးတို့ နိုဝင်ဘာ ၃၀ ရက်က ဝင်ရောက် ပျံသန်းခဲ့တာလို့ သိရပါတယ်။

နိုင်ငံတကာ

အရပ်ဖက် ပစ်မှတ်တွေကိုချည်း ဦးတည် တိုက်ခိုက်လာတယ် ဆိုကတည်းက ရုရှားဟာ သူတို့ အနေနဲ့ နယ်မြေတွေ ထပ်သိမ်းယူဖို့ မဖြစ်နိုင်တော့မှန်း နားလည်လို့ ယူကရိန်းရဲ့ တန်ပြန်ထိုးစစ် အရှိန် နှေးသထက် နှေးအောင်သာ လုပ်ရတဲ့ သဘောမျိုး ဖြစ်နေကြောင်း စတိုလ်တန်ဘက်ဂ်က သုံးသပ်ပါတယ်။

နိုင်ငံတကာ

တရုတ် အစိုးရက ထိုင်ဝမ်ဟာ ခွဲထွက်ရေး လှုပ်ရှား တောင်းဆိုနေတဲ့ နယ်မြေတစ်ခုလို့ သတ်မှတ်ပြီး နိုင်ငံပိုင်နက်ထဲမှာ အကျုံးဝင်ကြောင်း ရှုမြင်နေပါတယ်။ ဒါပေမဲ့ ထိုင်ဝမ်ပြည်သူ အများစုကတော့ တရုတ်နဲ့ ခွဲခြားပြီး ကိုယ်ပိုင် ရပ်တည်မှု၊ ကိုယ်ပိုင် ဒီမိုကရေစီနဲ့ ရှေ့ဆက်ဖို့သာ လိုလားနေကြပါတယ်။

နိုင်ငံတကာ

ပူတင်ကတော့ စစ်သည်တွေရဲ့ မိခင်တွေနဲ့ တွေ့ဆုံချိန်မှာ သူတို့ရဲ့ သားတွေကို သူရဲကောင်းတွေ အနေနဲ့ ဂုဏ်ယူသင့်ကြောင်း ပြောခဲ့သလို တိုက်ပွဲကျသွားသူ တစ်ဦးရဲ့ မိခင်ကိုလည်း သူ့သားဟာ အချည်းနှီး အသက်ပေးသွားတာ မဟုတ်ဘူးလို့ နှစ်သိမ့်နေခဲ့တာ တွေ့ရပါတယ်။