ကရင်အမျိုးသားလွတ်မြောက်ရေးတပ်မတော် KNLA တပ်မဟာ ၆ ထိန်းချုပ်နယ်မြေထဲက နေရာနှစ်နေရာမှာ ဒီကနေ့နေ့လည်ပိုင်းက KNLA တပ်နဲ့ အာဏာသိမ်းအကြမ်းဖက်စစ်အုပ်စုတို့ တိုက်ပွဲတွေဖြစ်ပွားခဲ့တယ်လို့ ဒေသခံတွေထံကနေ သိရပါတယ်။
KNLA တပ်မဟာ ၆ ထိန်းချုပ်နယ်မြေဖြစ်တဲ့ ကော့ကရိတ်မြို့အနီး ကမိုင်ကုန်းရွာထဲကို အာဏာသိမ်းအကြမ်းဖက်စစ်အုပ်စုတွေက နယ်မြေကျော်လွန်ရောက်ရှိလာလို့ ဒီကနေ့နေ့လည်ပိုင်းက KNLA တပ်နဲ့ ထိတွေ့မှုဖြစ်ခဲ့ပြီး တိုက်ပွဲဖြစ်ပွားခဲ့ရတာပါ။
“ရွာထဲမှာပစ်နေကြတယ်။ စစ်သားတွေက ရွာထဲမှာအပြည့်ပဲ၊ ခုနက အသံကြားရတယ်။ အလုံးကြီးဆို သဲသဲကွဲကွဲကြားရတယ်။ အခုတော့ ငြိမ်နေတယ်” လို့ ဒေသခံတစ်ဦးက ပြောပါတယ်။
ဒါ့အပြင် KNLA တပ်မဟာ ၆ နယ်မြေဖြစ်တဲ့ ကြာအင်းဆိပ်ကြီးမြို့နယ် ကြိတ်ရွာအနီးက ကွင်းကလေးရွာဘက်မှာလည်း ပစ်ခတ်မှုတွေဖြစ်ပွားနေတယ်လို့ ဒေသခံတွေ့ ပြောပြပါတယ်။
Public Service Announcement
အာဏာသိမ်းအကြမ်းဖက်စစ်အုပ်စုတွေဟာ ဒီကနေ့မနက်ပိုင်းက ကော့ကရိတ်မြို့အနီး ကမိုင်ကုန်းရွာဘက်ကို တပ်စွဲနေရာယူပြီးတဲ့နောက် အခုလို KNLA တပ်နဲ့ ထိတွေ့မှုဖြစ်ပြီး တိုက်ပွဲဖြစ်ပွားခဲ့တာပါ။
