ကရင်အမျိုးသားအစည်းအရုံး(KNU) ဖာပွန်ခရိုင် တပ်မဟာ(၅)နယ်မြေ၌ တိုက်ပွဲများ ဆက်လက်ဖြစ်ပွားခဲ့ပြီး စစ်ကောင်စီတပ်က သေဆုံးထိခိုက်ရှိခဲ့သည်ဟု တပ်မဟာ(၅)က သတင်းထုတ်ပြန် သည်။
စက်တင်ဘာ ၁၆ရက်နှင့် ၁၇ရက်က ဖာပွန်ခရိုင်ရှိ စစ်ကောင်စီ၏ ခေါပုပ်စခန်း နှင့် လှဂွန်းပျို စခန်းတို့ကို တပ်မဟာ(၅)တပ်ဖွဲ့ဝင်များက ခြုံခိုတိုက်ခိုက်ခဲ့ခြင်းဖြစ်သည်။
စက်တင်ဘာ ၁၇ရက် နံနက်က ဖာပွန်မြို့အရှေ့မြောက်ဖက်တွင်အခြေချသည့် စစ်ကောင်စီ၏ ခေါပုပ်စခန်းအား တစ်ရက်အတွင်း နှစ်ကြိမ်တိုက် ခိုက်ခဲ့ကြောင်း ဖော်ပြသည်။ ထို့အပြင် လကျိုးခိုနှင့် လှဂွန်းပျိုရွာကြားတွင် တစ်ကြိမ်ရင်ဆိုင်တိုက်ပွဲဖြစ်ပွားခဲ့သည်ဟု ဆိုသည်။
အဆိုပါ တိုက်ခိုက်မှု သုံးကြိမ်အတွင်း စစ်ကောင် စီဘက်မှ သေဆုံးမှုကို အတိအကျမသိရသေးသော်လည်း တပ်မဟာ(၅)ဘက်က ထိခိုက်မှုမရှိဟု ထုတ်ပြန်သည်။
Public Service Announcement
စက်တင်ဘာ ၁၇ရက် ညနေပိုင်းတွင် စစ်ကောင်စီ ၏ လှဂွန်းပျို တပ်စခန်းအားထပ်မံ၍ တိုက်ခိုက်ခဲ့ရာ စစ်ကောင်စီတပ်က တစ်ဦးသေဆုံးခဲ့ကြောင်း ဖော်ပြထားသည်။
စက်တင်ဘာ ၁၆ရက် နံနက်ကလည်း ခေါပုပ်စခန်းအား တစ်ကြိမ် တိုက်ခိုက်ခဲ့ရာ စစ်ကောင်စီဘက်က တစ်ဦးသေဆုံးခဲ့သည်ဟု ဆိုသည်။
တိုက်ပွဲများ နေ့စဉ်ဖြစ်ပွားနေသည့်အတွက် စစ်ကောင်စီဘက်က ဒေသခံပြည်သူများ အပေါ် လက်နက်ကြီးများဖြင့် ခြိမ်းခြောက် ပစ်ခတ်နေသည့်အပြင် လူ့အခွင့်အရေး ချိုးဖောက်မှုများနေ့စဉ် ပြုလုပ်နေသည်ဟု တပ်မဟာ(၅)က သတင်းထုတ်ပြန်သည်။
