အမျိုးသားညီညွတ်ရေးအစိုးရ(NUG)ရဲ့ ‘အောင်လံလွှင့်ချီ နွေဦးထီ’ကို လုံခြုံရေးမြှင့်တင်ပြီး ပိုမိုကောင်းမွန်တဲ့ ဝန်ဆောင်မှုတွေနဲ့အတူ ဒီနေ့ပြန်လည်စတင်ရောင်းချမယ်လို့ မနေ့က သတင်းထုတ်ပြန်ပါတယ်။
ပြီးခဲ့တဲ့ စမ်းသပ်ရောင်းချမှု Pilot project ‘phase-1’ မှာ ကြုံတွေ့ခဲ့ရတဲ့ နည်းပညာစိန်ခေါ်မှုတွေ၊ အနှောက်အ ယှက်အခက်အခဲများစွာသင်ခန်းစာယူ၊ ပြင်ဆင်မှုတွေပြုလုပ်ပြီး Pilot project ‘phase-2’ ကို ဒီနေ့ ညနေ ၄ နာရီ မှာ ပြန်လည်စတင်မယ်လို့ ‘အောင်လံလွှင့်ချီနွေဦးထီ’က ဆိုပါတယ်။
“နွေဦးထီရဲ့ အောင်မြင်မှုဟာ ပြည်သူများရဲ့အောင်မြင်မှု၊ နွေဦးတော်လှန်ရေးရဲ့ အောင်မြင်မှု တစ်စိတ် တစ်ပိုင်း ဖြစ်တာကြောင့်၊ မိဘပြည်သူများအနေဖြင့် ‘အောင်လံလွှင့်ချီနွေဦးထီ’ကို အစဉ်လာမပျက် အင်ပြည့်အားပြည့် ပူးပေါင်းပါဝင် အားပေးကြလိမ့်မယ်လို့လဲ ယုံကြည်မိပါတယ်”လို့ ထုတ်ပြန်ပါတယ်။
‘အောင်လံလွှင့်ချီ နွေဦးထီ’ဟာ CDM ဝန်ထမ်းတွေကို အဓိကထောက်ပံ့ပေးဖို့အတွက်ရည်ရွယ်ပြီး ရောင်းရ ငွေ စုစုပေါင်းရဲ့ ၇၀ ရာခိုင်နှုန်းကို CDM ဝန်ထမ်းတွေအတွက်၊ ကျန် ၃၀ ရာခိုင်နှုန်းကို ဆုကြေးငွေအတွက် သတ်မှတ် ထားပါတယ်။
Public Service Announcement
NUG ဟာ ‘အောင်လံလွှင့်ချီ နွေဦးထီ’ကို ဩဂုတ် ၁၅ ရက်မှာ စတင်ရောင်းချခဲ့ပြီး ၅ ရက်တာ စမ်းသပ်ရောင်းချမှုအဖြစ် တစ်ရက်မှာ စောင်ရေငါးသောင်းရောင်းချခဲ့ကာ အဲဒီတစ်ရက်သတ်မှတ်စောင်ရေဟာ နာရီပိုင်းအတွင်းမှာပဲ ရောင်းကုန်ခဲ့ပါတယ်။
