နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ရဲ့ ကျန်းမာရေးအခြေအနေကြောင့် နေပြည်တော်မှာ ဒီနေ့ စစ်ဆေးမယ့်ရုံးချိန်းကို ခွင့်တိုင်လိုက်တယ်လို့ ရှေ့နေဦးခင်မောင်ဇော်က ပြောပါတယ်။
အသက် ၇၆ နှစ်အရွယ် ဒေါ်အောင်ဆန်းစုကြည်ဟာ ဒီနေ့မနက်ပိုင်းမှ နေမကောင်းတာဖြစ်ပြီး ကိုဗစ်-၁၉ ဖြစ်တာ မဟုတ်ဘူးလို့ ဦးခင်မောင်ဇော်က ရှင်းပြပါတယ်။
“ကားတောက်တယ်ပြောတယ်။ ခေါင်းတွေ မူးနေတယ်တဲ့။ မနက်ဖြန်တော့ လာမယ်ပြောတယ်။ ကောင်းမှာပါတဲ့”လို့ သူက ဆက်ပြောပါတယ်။
အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ဟာ နေပြည် တော်အထူးတရာရုံးမှာ အမှု ၆ မှုနဲ့ တရားစွဲဆိုခံထားရပြီး အပတ်စဉ် တနင်္လာနဲ့ အင်္ဂါနေ့တွေမှာ စစ်ဆေးကြားနာနေတာဖြစ်ပါတယ်။
Public Service Announcement
ဒါပေမဲ့ အကြမ်းဖက်စစ်ကောင်စီဟာ ကိုဗစ်အကြောင်း ပြပြီး အမှုတွေကို ဆက်လက်မစစ်ဆေးတာကြောင့် ပြီးခဲ့တဲ့ နှစ်လကျော်အတွင်း ရုံးထုတ်စစ်ဆေးခြင်းမရှိသလို ဒေါ်အောင်ဆန်းစုကြည်နဲ့ သူ့ရှေ့နေတွေလည်း တွေ့ခွင့်မရရှိခဲ့ ပါဘူး။
