'/%3E%3C/svg%3E){kind=small}
ကျပ်သိန်း သုံးထောင်ခန့်ပါသွားပြီး စစ်ကောင်စီလက်ပါးစေများဟု ဒေသခံများ သုံးသပ်
ကျပ်သိန်း သုံးထောင်ခန့်ပါသွားပြီး စစ်ကောင်စီလက်ပါးစေများဟု ဒေသခံများ သုံးသပ်မန္တလေးတိုင်း၊ ပုဂံမြို့သစ် အနော်ရထာရပ်ကွက် ရှိ KBZဘဏ်အား သေနတ်များကိုင်ဆောင်ထားသော လူခုနစ်ဦးခန့်က ဓားပြတိုက်မှုဖြစ်ပွားခဲ့သည်။
ယနေ့ (ဇန်နဝါရီ ၃၁ )နေ့လယ် ၁၂နာရီခန့်က ပါကျဲရိုးအစိမ်းရောင်ကားဖြင့် သေနတ်များကိုင်ဆောင်ပြီး မျက်နှာဖုံးစွပ်ထားသော လူခုနစ်ဦးခန့်က ဓားပြတိုက်ခဲ့ခြင်းဟု ပုဂံမြို့ဒေသခံများက ပြောသည်။
အဆိုပါကားသည် KBZ ဘဏ်ဘေးရှိ လမ်းကြားတွင် ရပ်တန့်ထားပြီးနောက် မျက်နှာဖုံးစွပ်လူငါးဦးက ဘဏ်အတွင်းဝင်ရောက်ပြီး ဓားပြတိုက်ခဲ့ခြင်းဖြစ်သည်။
Public Service Announcement
“စစ်ဆေးစရာရှိလို့ဆိုပြီး အတင်းဝင်ပြီး ဓားပြတိုက်တာလို့ ပြောတယ်။ အကုန်လုံးဝပ်ခိုင်းနေတာ။ သေနတ်ဖောက်တာလည်းမရှိတော့ လူတွေက သိပ်မသိကြဘူး”ဟု ပုဂံဒေသခံတစ်ဦးက ပြောသည်။
ဓားပြတိုက်မှုကြောင့် ကျပ်သိန်း ၃,၀၀၀ခန့်ပါသွားကြောင်းလည်း ဒေသခံများက ပြောသည်။ သို့သော် မည်မျှအရေအတွက်ပါသွားသည်ကို လူထုနွေဦးက အတည်မပြုနိုင်သေးပေ။
ပုဂံမြို့သစ်မြို့အနေအထားမှာ အလွန် ကျဉ်းမြောင်းပြီး ဓားပြတိုက်သူများ၏ကားမှာ ထွက်ပြေးရန် မြို့အဝင်၊အထွက်ဂိတ်များဖြင့် မြို့အတွင်း အလွယ်တကူဝင်ရောက်လာမှုမှာ မလွယ်ကူကြောင်း ဒေသခံများက သုံးသပ်သည်။ထို့ကြောင့် ယခုဓားပြတိုက်မှုမှာလည်း စစ်ကောင်စီ၏ လက်အောက်ခံများသာဖြစ်နိုင်ကြောင်း ဒေသခံများက ဆိုသည်။
“မြို့အဝင်၊မထွက်တွေမှာ စစ်ဆေးရေးဂိတ်တွေအများကြီး။ ဒီလောက်တင်းတင်းကြပ်ကြပ် စစ်နေတာ PDFတွေဆိုဘယ်လိုမှ ဝင်မရနိုင်ဘူး။ သူတို့လူတွေပဲ ဝင်ရနိုင်တယ်။နောက်ပြီး မောင်းပြေးတာလည်း မြို့ထဲကို မောင်းပြေးတာ”ဟု ပုဂံဒေသခံတစ်ဦးက ပြောသည်။
