မူဆယ် နန်း​တော်ဂိတ်၌ တရုတ်ဘက်သို့သွားရန် တန်းစီရာနေရာလုရင်း ဓါးထိုးမှုဖြစ်

‌သားကြီး/People’s Spring

မူဆယ်မြို့တွင် တရုတ်နိုင်ငံနှင့် နယ်စပ်ဂိတ်ပေါက်ဖြစ်သောနန်းတော်ဂိတ်ပေါက်၌ ယနေ့(စက်တင်ဘာလ ၃ရက်) နေ့ခင်းပိုင်းတွင် တရုတ်နိုင်ငံသို့ဝင်ရန်တန်းစီရင်းနေရာလုရာမှ ဓါးထိုးမှုဖြစ်ပြီး အမျိုးသားတစ်ဦးဒဏ်ရာရရှိခဲ့သည်။

“နန်းတော်ဂိတ်ကနေ ဝင်ဖို့ တန်းစီရင်း နေရာလုတာ။ နေရာဦးထားပြီးရောင်းစားသူနဲ့ တန်းစီသူ ရန်ဖြစ်ပြီး ဓားထိုးမှုဖြစ်တာ” ဟုဒေသခံတစ်ဦးကပြောသည်။

Public Service Announcement

အသက် ၂၅နှစ်ခန့်အမျိုးသားတစ်ဦး ဝမ်းဗိုက်၌ ဓားနှစ်ချက်အထိုးခံရပြီး လူမှုကူညီ ရေးအဖွဲ့များက ဆေးရုံသို့ပို့ဆောင်ထားသည်။ ဓါးဖြင့်ထိုးသူကို စစ်ကောင်စီတပ်ဖွဲ့ဝင်များ လာရောက်ဖမ်းဆီးသွားကြောင်းသိရသည်။

မူဆယ်မြို့တွင် နန်းတော်ပေါက်၊ မန်ဝိန်းပေါက်၊ ဆင်ဖြူပေါက်တို့ရှိပြီး နန်းတော်ပေါက်သည် လူအဓိကဝင်ထွက်သည့် ဂိတ်ပေါက်ဖြစ်သည်။ ထိုဂိတ်မှတစ်ဆင့် တရုတ်နိုင်ငံဘက်သို့ ဝင်ရောက်နိုင်ရေး တန်းစီသူ နေ့စဉ်ရာချီရှိပြီး နေရာဦးသည့် ဈေးကွက်လည်း ပေါက်နေသည်။

“နေရာဦးပြီးရောင်းစားတာ။ တစ်နေရာကိုပေါက်‌ဈေး သိန်းချီတယ်။ လဝကနဲ့ ပေါင်းစားကြတာ” ဟုဒေသခံတစ်ဦးကပြောသည်။