စစ်ကိုင်းတိုင်း ထီးချိုင့်မြို့နယ်တွင် ဒေသခံ PDFအဖွဲ့နှင့် ကချင်လွတ်မြောက်ရေးတပ်မတော်(KIA)တို့ပူးပေါင်းပြီး အာဏာသိမ်းစစ်ကောင်စီတပ်အား သီတင်းကျွတ်လပြည့်နေ့တွင်တိုက်ခိုက်ရာ စစ်ကောင်စီတပ်သား ၃၀ ကျော်သေဆုံးကြောင်း ထီးချိုင့်ပြည်သူ့ကာကွယ်ရေးတပ်ဖွဲ့က သတင်းထုတ်ပြန်သည်။
ယနေ့ (အောက်တိုဘာလ၂၀ရက် )နံနက် ၁၀နာရီ၁၅ အချိန်မှစ၍ အင်းတော်ဘက်မှတစ်ဆင့် ဆင်းလာသော စစ်ကောင်စီတပ်သား ၁၀၀ကျော်ကို KIA နှင့်ထီးချိုင့်-PDF တို့ပူးပေါင်းတပ်ဖွဲ့ တို့က ကွမ်းမူတော-ဂဟဲရွာကြား တွင် တိုက်ခိုက်ခဲ့ရာ စစ်ကောင်စီ တပ်သား ၃၀ကျော် သေဆုံးခဲ့ကြောင်း ထီးချိုင့်ပြည်သူ့ကာကွယ်ရေးတပ်ဖွဲ့က သတင်းထုတ်ပြန်သည်။
စစ်ကောင်စီတပ်သားများသည် လမ်းတစ်လျှောက်ရှိရွာများအား ရမ်းပစ်ပြီးထွက်ပြေးသွားခဲ့ကြောင်း၊ မိမိတို့တပ်ဖွဲ့ဝင်များအနေဖြင့် အနည်းငယ်ထိခိုက်ခဲ့သော်လည်း သေဆုံးသူမရှိဘဲ အောင်မြင်စွာဆုတ်ခွာနိုင်ခဲ့ကြောင်း ထီးချိုင့် – ပြည်သူ့ကာကွယ်ရေးအဖွဲ့က အသိပေးသည်။
စစ်ကောင်စီတို့၏ သဘောသဘာဝမှာ လက်နက်ရှိသူများအား ကြောက်ပြီး လက်နက်မဲ့ပြည်သူများကိုသာ နှိပ်စက်ခြင်းဖြစ်၍ အရေးတော်ပုံအောင်မြင်စေရန်မိမိတို့တပ်ဖွဲ့ဝင်များအား လှူဒါန်းနိုင်ပါကြောင်းလည်းထီးချိုင့် – ပြည်သူ့ကာကွယ်ရေး အသိပေး ထားသည်။
Public Service Announcement
