ဟန်နွေ/People’s Spring
ကချင်ပြည်နယ်သို့ စစ်အင်အား၊ ရိက္ခာခဲယ်းဖြည့်တင်းရန် ကြိုးပမ်းလာသည့် စစ်ကောင်စီ ရေယာဉ်များကို ကချင်လွတ်လပ်ရေးတပ်မတော်(KIA)နှင့် ပြည်သူ့ကာကွယ်ရေးတပ်(KPDF) ပူးပေါင်းတပ် တိုက်ခိုက်ခဲ့ရာ ရေယာဉ်တစ်စီးအား ပစ်ခတ်ထိမှန် ပေါက်ကွဲမှု ဖြစ်ပွားသည့် ရုပ်သံကို ကချင်စစ်ရေးသတင်းရင်းမြစ်က ယနေ့ညပိုင်း၌ ဖော်ပြအသိပေးသည်။
ကချင်ပြည်နယ်သို့ စစ်အင်အားနှင့် စက်လက်နက်ခဲယမ်းများ၊ ရိက္ခာများဖြည့်တင်းရန် ရေကြောင်းမှလာသည့် စစ်ကောင်စီ၏ ရေယာဉ်အုပ်ကို KIA ပူးပေါင်းတပ်က တိုက်ခိုက်ရာ စက်တင်ဘာ ၁၇ရက်တွင် ရွှေကူ – ဗန်းမော်ကြား၌ ရေယာဉ် ၆စီး၊ စက်တင်ဘာ လဆန်းတွင် ထီးချိုင့်မြို့ နယ်တွင် ၂စီး KIA ပူးပေါင်းတပ်က တိုက်ခိုက်ခဲ့ရာ စစ်ကောင်စီ ရေယာဉ်များ မီးလောင်ပေါက်ကွဲ နစ်မြုပ်မှုများ ရှိခဲ့သည်ဟု စစ်ရေးသတင်းရင်းမြစ်က ပြောထားသည်။
Public Service Announcement
https://www.facebook.com/LuduNwayOo/videos/1230779767960899
(KIA နှင့် KPDF တို့ကစစ်ကောင်စီစစ်ကောင်စီသင်္ဘောများကို ဧရာဝတီမြစ်အတွင်းတိုက်ခိုက်နေသောမှတ်တမ်း။ရုပ်သံ-ကချင်တောင်တန်း)
စစ်ရေယာဉ်တစ်စီးကို လက်နက်ကြီးဖြင့် ပစ်ခတ်စဉ်ပြင်းထန်စွာပေါက်ကွဲပြီထိမှန်၍ မီးခိုးလုံးတက်လာခဲ့သည့် ကချင်တောင်တန်းတယ်လီဂရန်မှတင်ထားသော ရုပ်သံမှတ်တမ်းသည် စက်တင်ဘာ ၁၇ရက်၊ ၁၈ရက် က ရွှေကူ – ဗန်းမော်ကြားတိုက်ခိုက်မှု ဖြစ်စဉ်တွင်ထိမှန်ခဲ့ခြင်းဖြစ်ကြောင်း အခြား စစ်ရေးသတင်းရင်းမြစ်က ပြောသည်။
“မနေ့က ကျနော်ကြားတာက ဗန်းမော်မှာ တက်သွားတဲ့ စစ်သင်္ဘောတစ်စီးက ပြန်ဆင်းလာတယ်။ ဆင်းလာတဲ့ သင်္ဘောကိုပစ်လိုက်တယ်လို့လည်း သတင်းရတယ်။ ဒီပုံကတော့ ဟိုနေ့ (စက်တင်ဘာ ၁၇ရက်) ကဟာ” ဟု ၎င်းက ပြောသည်။
အခြားစစ်ရေးရင်းမြစ်တဦးကလည်း ဧရာဝတီမြစ်အတွင်ယစစ်တပ်ရေယာဥ်အုပ်စုကို KIA ကတိုက်ခိုက်ခဲ့သောရုပ်သံမှတ်တမ်းဖြစ်ကြောင်းအတည်ပြုသည်။
ပြီးခဲ့သည့်ရက်ပိုင်းကလည်း KIA/PDF ပူးပေါင်းတပ် တိုက်ခိုက်ဖျက်ဆီးခဲ့၍ မီးလောင်နေသည့် ရေယာဉ် အချို့၏ ဓာတ်ပုံနှင့် အဆိုပါ ရေယာဉ်များပေါ်၌ ပူးပေါင်းတပ်ဖွဲ့ အောင်ပွဲခံနေမှု ဓာတ်ပုံများ လူမှုကွန်ရက်၌ ထွက်ပေါ်လာခဲ့သည်။
ဧရာ၀တီမြစ်ကြောင်းအတိုင်း တက်လာသည့် စစ်ကောင်စီ ရေယာဉ်အုပ်စုအား လမ်းတလျှောက် တိုက်ခိုက်ခဲ့ရာ အနည်းဆုံး ရေယာဉ် ၈စီးပျက်စီးခဲ့ဟု စစ်ရေးသတင်းရင်းမြစ်က ပြောသည်။ ရွှေကူ – ဗန်းမော်အကြားတွင် ၆စီး၊ ထီးချိုင့်မြို့နယ်တွင် ၂စီးတိုက်ခိုက်နိုင်ခဲ့ဟု စစ်ရေးသတင်းရင်းမြစ်တစ်ဦးက ပြောထားသည်။စစ်ကောင်စီ၏ ဖလက်သံခွန်သင်္ဘော ၇စီးအနက် ၂စီးသည် ဒုတိယမြစ်ကျဉ်းအထက်နား၌ လက်နက်ကြီးထိမှန် နစ်မြုပ်ခဲ့ပြီး ၄စီးသည် ဗန်းမော်မြို့နယ် မြလည်ကျေးရွာအနီးတွင် လက်နက်ကြီးထိမှန် မီးလောင်ပျက်စီးခဲ့သည်ဟု သတင်းရင်းမြစ်က ပြောသည်။
အဆိုပါ စစ်ကောင်စီသင်္ဘောများတိုက်ခိုက်ဖျက်ဆီးနိုင်မှု အခြေအနေနှင့်ပတ်သက်၍ မေးမြန်းရန် KIA သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူထံ People’s Spring က ဆက်သွယ်ထားဆဲဖြစ်ပြီး ပြန်ကြားချက် မရသေးပေ။ သို့သော် ဗိုလ်မှူးကြီးနော်ဘူက စစ်ကောင်စီသင်္ဘောများထဲမှာ ၇ စီးကို KIA နှင့်ပူးပေါင်းတပ်များကတိုက်ခိုက်ဖျက်ဆီးနိုင်ခဲ့ပြီ ၁ စီးသာဗန်းမော်မြို့သို့ရောက်ရှိကြောင်း ဖြေကြားထားသည်။
