Connect with us

Hi, what are you looking for?

LuduNwayOo

News

WHO ရဲ့ နှစ်ပတ်လည် ညီလာခံကို မြန်မာ ကိုယ်စားလှယ် တက်ရောက်ခွင့် မပြုဖို့ ဆုံးဖြတ်

ဘယ်အစိုးရ အဖွဲ့ရဲ့ ကိုယ်စားလှယ်ကို လက်ခံရမလဲ ဆိုတာကို ယတိပြတ် မဆုံးဖြတ်နိုင်သေးတဲ့အတွက် ကမ္ဘာ့ကျန်းမာရေး အဖွဲ့ကြီး (WHO)ရဲ့ နှစ်ပတ်လည် ညီလာခံမှာ မြန်မာနိုင်ငံကို ချန်လှပ်ထားခဲ့မယ်လို့ သိရပါတယ်။

၇၄ ကြိမ်မြောက် WHO နှစ်ပတ်လည် ညီလာခံကို တက်ရောက်ဖို့ အာဏာသိမ်း စစ်တပ်ကရော၊ NUG အစိုးရ အဖွဲ့ဆီကပါ ကမ်းလျမ်းမှုတွေ ရရှိထားတယ်လို့ WHO က အတည်ပြုခဲ့ပါတယ်။ မြန်မာနိုင်ငံအတွက် ဘယ်အစိုးရ အဖွဲ့ကို အသိအမှတ် ပြုရမလဲဆိုတာ ဆုံးဖြတ်လို့ မရသေးတဲ့အတွက် လာမယ့် သီတင်းပတ်မှာ စတင်ပြီး ဇွန်လ ၁ ရက်ထိ ကြာမြင့်မယ့် ညီလာခံမှာ မြန်မာကို တက်ရောက်ခွင့် မပေးတော့ဖို့ WHO အဖွဲ့ဝင် နိုင်ငံတွေ မဲမခွဲဘဲ ညှိနှိုင်း ဆုံးဖြတ်ခဲ့ကြပါတယ်။

ကပ်ရောဂါ ကူးစက်မှုတွေ မြင့်တက်နေတဲ့ လက်ရှိ ကာလမျိုးမှာတော့ WHO ရဲ့ နှစ်ပတ်လည် ညီလာခံဟာ နိုင်ငံတကာအတွက် အရေးအကြီးဆုံး အစည်းအဝေးကြီး တစ်ခုလို့ သတ်မှတ်နိုင်ပါတယ်။ မြန်မာနိုင်ငံမှာ ဘယ်အစိုးရ အဖွဲ့ကို တရားဝင် အသိအမှတ် ပြုရမလဲ ဆိုတာကို ကုလသမဂ္ဂ အထွေထွေ ညီလာခံရဲ့ စီမံဆုံးဖြတ်ချက်ကို စောင့်ပြီးမှ ရွေးချယ်သင့်တယ်လို့ ယူဆကြောင်း WHO က ပြောပါတယ်။

ဒါဟာ လက်ရှိ အခြေအနေတွေအရ မြန်မာနိုင်ငံကို ကိုယ်စားပြုပြီး ဘယ်ကိုယ်စားလှယ်မှ မတက်ရောက်သင့်ဘူးဆိုတဲ့ အဓိပ္ပါယ် သက်ရောက်သွားပါတယ်။ မြန်မာနိုင်ငံမှာ စစ်တပ် အာဏာသိမ်းယူထားတာ ၄ လလောက် ကြာမြင့်ခဲ့ပြီဖြစ်ပြီး ဒီအတောအတွင်း ရက်စက်ကြမ်းကြုတ်တဲ့ ဖြိုခွင်းမှုတွေကြောင့် ပြည်သူ ၈၀၀ ကျော် သေဆုံးခဲ့ရပါတယ်။ တစ်ဖက်မှာတော့ ရွေးကောက်ခံ ကိုယ်စားလှယ်တွေ ဦးဆောင် ဖွဲ့စည်းထားတဲ့ NUG အစိုးရဟာ လူထု ထောက်ခံမှုကို ပိုမို ရရှိထားပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

စက်တင်ဘာ ၂၅ ရက်နံနက်ပိုင်းက မြိုင်မြို့နယ် ကျောက်ခွက်ကျေးရွာသို့ စစ်ကြောင်းထိုးလာသော အင်အား ၆၀ခန့်ပါ စစ်ကောင်စီတပ်နှင့်ပျူမျုးအား မြိုင်(ပကဖ)အဖွဲ့က မိုင်းပွိုင့်အကြီး ၂ပွိုင့်ဖြင့် တိုက်ခိုက်ခဲ့ရာ စစ်ကောင်စီတပ်ဖွဲ့ဝင် သုံးဦး သေဆုံးခဲ့သေးသည်။

သတင်း

ဆရာမ ဒေါ်အေးမာဆွေက လက်ယက်ကုန်းကျေးရွာဖြစ်စဥ်အတွက် တရားမျှတမှုနှင့် မြန်မာနိုင်ငံတွင် စစ်အာဏာရှင်စနစ် အမြန်ဆုံးချုပ်ငြိမ်းရေး ဆောင်ရွက်ပေးရန် နိုင်ငံတကာအသိုင်းအဝန်းကို တောင်းဆိုသည်။

သတင်း

"အဆိုပါ တိုက်ခိုက်မှုများတွင် စစ်ကောင်စီဘက်မှ (၅) ဦးထက်မနည်းထိခိုက်သေဆုံးခဲ့သည်"ဟု ပြည်သူ့ကာကွယ်ရေးတပ်မတော်၊ မြိတ်ခရိုင်၊တပ်ရင်း(၁)က ဖော်ပြသည်။

သတင်း

ဂျပန်ရောက်မြန်မာနိုင်ငံသားများက ယနေ့ ညနေပိုင်းတွင် ကိုဘေးမြို့ Sannomiya ဘူတာတွင် စုဝေး၍ မြန်မာစစ်အစိုးရ၏ ကိုယ်စားလှယ်အား ဂျပန်နိုင်ငံက ဖိတ်ကြားမှုကို ဆန့်ကျင်ကြောင်း ဂျပန်၊ အင်္ဂလိပ် နှစ်ဘာသာဖြင့် ရေးသားသည့် စာတန်းကို ကိုင်ဆောင်၍ ဆန္ဒထုတ်ဖော်ခဲ့သည်။