Connect with us

Hi, what are you looking for?

LuduNwayOo

News

မုံရွာလူထုခေါင်းဆောင် ဝေမိုးနိုင် ကျန်းမာရေးကောင်းမွန်

မုံရွာမြို့၏ စစ်အာဏာသိမ်းမှုကို ဆန့်ကျင်တော်လှန်သည့် မုံရွာလူထုခေါင်းဆောင် ဝေမိုးနိုင်ကို ယနေ့ မေလ ၂၇ ရက်တွင် ရုံးထုတ်စစ်ဆေးခဲ့ပြီး ကျန်းမာရေးကောင်းမွန်ကြောင်း ၄င်း၏မိခင်ဖြစ်သူ ဒေါ်မိုးစန္ဒာကြူက လူမှုကွန်ယက်တွင် ရေးသားဖော်ပြခဲ့သည်။

“ဒီနေ့သားအတွက် ထောင်ဝင်စာကို မိခင်အနေဖြင့် ပို့ခွင့်ရခဲ့ပါတယ်။ ၅၀၅(က)အမှုကို ထောင်တွင်းတရားရုံးမှာ ရုံးထုတ်စစ်ဆေးပါတယ်။ ကျန်းမာရေးကောင်းမွန်နေကြောင်း သိရှိရ၍ အတော်အသင့် စိတ်အေးရပါတယ်” ဟု ဒေါ်မိုးစန္ဒကြူက ရေးသားဖော်ပြခဲ့သည်။

ဧပြီ ၁၅ ရက်တွင် စစ်အာဏာသိမ်းမှုကိုဆန့်ကျင် တော်လှန်နေသည့် မုံရွာပင်မသပိတ်စစ်ကြောင်းတွင် အကြမ်းဖက်စစ်ကောင်စီများက ဝေမိုးနိုင်ကို အိမ်စီးကားဖြင့် တိုက်ပီး ဖမ်းဆီးခေါ်ဆောင်သွားခဲ့ခြင်း ဖြစ်သည်။

အဆိုပါ ဖမ်းဆီးပြီး ရက်ပိုင်းအတွင်း ဝေမိုးနိုင်၏ မျက်နှာတစ်ခုလုံး ယောင်ကိုင်းနေသည့် ဒဏ်ရာများလည်း လူမှုကွန်ယက်ပေါ်၌ တွေ့မြင်ခဲ့ရသည်။

ဆက်စပ်သတင်းများ

သတင်း

တိုက်ပွဲကြာချိန် နာရီဝက်ခန့်အတွင်း ယင်းစခန်းကို အလုံးစုံသိမ်းပိုက်နိုင်ခဲ့ပြီး စစ်ကောင်စီတပ်သား ၂၀ခန့် သေဆုံးကာ ငါးဦးအရှင်ဖမ်းဆီးရမိခဲ့ကြောင်း ULF စစ်ကြောင်းမှ ပြန်ကြားရေးတာဝန်ခံ ကိုဂျော်ဒန်က ပြောသည်။

သတင်း

မေလ ၁၉ ရက်က မုံရွာမြို့၊ ချမ်းမြသာစည်ရပ်ကွက်၊ နေဇာလမ်းနေ အရပ်သားအသွင်ယူထားပြီး လွင်အမည်ဖြင့် ငါးပိထောင်းဆိုင်ဖွင့်ထားသည့် ရဲအရာခံဝင်းနိုင်အား မုံရွာမြို့နယ် ပြည်သူ့လုံခြုံရေးအဖွဲ့က သွားရောက်ဖမ်းဆီးခဲ့သည်။

သတင်း

ဖေဖော်ဝါရီ ၂၅ရက်က မုံရွာမြို့နယ်ရှိ ဗန်စီစီ၊ နိဗ္ဗာန်ဝ၊ မုံရွေးကြေးမုံကျေးရွာများသို့ ထိုးစစ်ဆင်လာခဲ့သော စစ်ကြောင်းနှင့် မုံရွာခရိုင်အမှတ်(၁၁)တပ်ရင်း၊ တပ်ခွဲ(၃)၊ တပ်စု(၂)Youth Vigor Revolution Force ရဲဘော်များနှင့် ထိပ်တိုက်တွေ့ ပစ်ခတ်မှုဖြစ်ပွားခဲ့သည်။

သတင်း

လာမည့်ဖေဖော်ဝါရီလ ၁ ရက်နေ့တွင် မန္တလေးမြို့၊ အမရပူရမြို့နယ်ရှိ တောင်သမန်အင်း၊ ဦးပိန်တံတားတွင် စစ်ကောင်စီက "တောင်သမန်မယ်ဇယ်လွင်ပြင်ဖွင့်ပွဲ"အခမ်းအနားပြုလုပ်ရန် စီစဥ်နေကြောင်း မြို့ခံများက ပြောသည်။