Connect with us

Hi, what are you looking for?

LuduNwayOo

News

ဟားခါး CDF နှင့်တိုက်ပွဲ စစ်​ကောင်စီတပ်သား ၁၀ဦး​သေဆုံး

ချင်းပြည်နယ် ဟားခါးမြို့နယ် မှ ဂန့်ဂေါမြို့အကြားတွင် အကြမ်းဖက်စစ်ကောင်စီတပ်နှင့် CDF-Hakhaတို့ ယ​နေ့ (ဇွန်လ ၁၀ရက်)ညနေ ၃ နာရီခန့်တွင် တိုက်ပွဲဖြစ်ပွားရာ စစ်​ကောင်စီတပ်သား ၁၀ဦး ​သေဆုံးခဲ့​ကြောင်း CDF က သတင်းထုတ်ပြန်သည်။

ထို့အပြင် CDF-Hakha ဘက်မှ ထိခိုက်ဒဏ်ရာကျဆုံးမှု မရှိခဲ့ကြောင်းလည်း ထုတ်ပြန်သည်။

ယ​နေ့တွင် ချင်းပြည်နယ် ခွာဟရိန်း​တောင်​ကြောတစ်​နေရာ၌ ဖြစ်ပွားခဲ့သည့် တိုက်ပွဲတွင် အာဏာသိမ်းစစ်​ကောင်စီမှ ဗိုလ်ကြီး အဆင့်ရှိသူတစ်ဦး အပါအဝင် စစ်​ကောင်စီတပ်ဖွဲ့ဝင် ၁၇ ဦး​သေဆုံးခဲ့​ကြောင်း ချင်း​ဒေသကာကွယ်​ရေးအဖွဲ့ -ထန်တလန်(CDF- Thantlang)က သတင်းထုတ်ပြန်ထားသည်။

ဇွန်လ၁၀ ရက်နံနက် ၁၀ နာရီဝန်းကျင်က ခွာဟရိန်း​တောင်​ကြောတစ်​နေရာ၌ ဖြစ်ပွားသည့်တိုက်ပွဲတွင် စစ်​ကောင်စီတပ်ဖွဲ့ဝင် ၂၆ ​ယောက်အနက် ၁၇ ဦး​သေဆုံးခဲ့သည်။ CDF-ထန်တလန် တပ်ဖွဲ့ဝင်​များဘက်တွင် ထိခိုက်ကျဆုံးမှု မရှိကြောင်း ​ဖော်ပြထားသည် ။

ချင်းပြည်နယ်တွင် အာဏာသိမ်းစစ်​ကောင်စီကို ချင်း​ဒေသကာကွယ်​ရေးတပ်ဖွဲ့​များက ​တော်လှန်တိုက်ခိုက်​နေရာ စစ်​ကောင်စီတပ်ဖွဲ့က စစ်အင်အာအများအပြားအသုံးပြုတိုက်ခိုက်​နေ​​သော်လည်း CDF တပ်ဖွဲ့ဝင်​များ၏ ရဲစွမ်းသတ္တိနဲ့ တိုက်ရည်ခိုက်ရည်​ကောင်းမွန်မှု​ကြောင့် စစ်​ကောင်စီတပ်ဖွဲ့ဝင်​အ​ရေအတွက်များစွာမကြာခဏ​သေဆုံး​နေသည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

စစ်ကောင်စီတပ်သည် မြိုင်မြို့နယ်အနောက်ပိုင်း၊ ကျောက်ခွက်ကျေးရွာသို့ စက်တင်ဘာ ၂၅ ရက်က စစ်ကြောင်းထိုးဝင်ရောက်လာခဲ့စဥ် ကျောက်ခွက်ရွာအရှေ့ထိပ်တွင် မြိုင်(ပကဖ)နှင့် မဟာမိတ်တပ်ဖွဲ့များက မိုင်းသုံးလုံးဆွဲတိုက်ခိုက်ခဲ့ရာ စစ်ကောင်စီတပ်သားနှစ်ဦး သေဆုံးခဲ့သည်။

သတင်း

စစ်ကောင်စီတပ်သည် စက်တင်ဘာ ၂၉ရက်တွင် ထီးချိုင့်မှ ထွက်ခွာလာရာ ပေါက်ကုန်းရွာအဝင်နားတွင် ထိတွေ့တိုက်ပွဲဖြစ်ခဲ့သည်ဟု Tigyaing Revolution က သတင်းဖော်ပြသည်။

သတင်း

ပုလောနှင့်လောင်းလုံးမြို့အပါအဝင် တနင်္သာရီတိုင်းဒေသကြီးသည် စစ်အာဏာရှင်တော်လှန်ရေးတွင် လက်နက်ကိုင်တိုက်ခိုက်မှုရော လူထုသပိတ်ပါအားကောင်းသည့်ဒေသ ဖြစ်သည်။

သတင်း

စစ်ကောင်စီတပ်များသည် လမိုင်းကျေးရွာ တံတားအနီးသို့လာရောက်၍ မကြာခဏ ပြည်သူလူထုအား အနိုင်ကျင့်ဖမ်းဆီးတတ်သည့်အပြင် ဖမ်းဆီးငွေညှစ်မှုများလုပ် ဆောင်နေခြင်းကြောင့် ယခုကဲ့သို့ တိုက်ခိုက်ခဲ့ခြင်းဖြစ်ကြောင်း နတ်ဆိုးအဖွဲ့က ပြောသည်။