ရန်ကုန်မြို့ လမ်းမတော်မြို့နယ်ရှိ ညောင်ပင်လေးစျေးအနီးတွင် ယနေ့ (ဇွန်လ ၁၉ ရက်) မနက်ပိုင်းက လူငယ်များစုပေါင်း၍ စစ်အာဏာရှင် ဖြုတ်ချရေးအဖြစ် ပျောက်ကြားသပိတ်ချီတက် ဆန္ဒပြကြခဲ့သည်။
သပိတ်တွင် စမ်းချောင်း၊ မင်္ဂလာတောင်ညွန့်၊ ကြည့်မြင်တိုင် စသည့် မြို့နယ်အသီးသီးမှ လူငယ်များနှင့် ပြည်သူများ ၁၀၀ခန့် ပူးပေါင်းပါဝင်ခဲ့သည်။
လူငယ်များသည် ဖမ်းဆီးခံခေါင်းဆောင်များ လွှတ်ပေးရေးနှင့် ဒီမ်ိုကရေစီ ရရှိစေရေး ကြွေးကြော်၍ ညောင်ပင်လေးစျေးအနီး လမ်းမတော်လမ်းမအတိုင်း ဆန္ဒပြခဲ့ကြသည်။
မြန်မာနိုင်ငံတွင် အကြမ်းဖက်စစ်ကောင်စီက မတရားသဖြင့် အာဏာသိမ်းပိုက်ထားသည်မှာ ယနေ့ ၁၄၂ ရက် ပြည့်မြောက်ခဲ့ပြီ ဖြစ်သည်။
ရန်ကုန်မြို့တွင် ငြိမ်းချမ်းစွာ ဆန္ဒထုတ်ဖော်မှုများကို အကြမ်းဖက်နှိမ်နင်းမှုများ ရှိနေသော်လည်း လူငယ်များက နေ့စဉ်ရက်ဆက် ပုံစံမျိုးစုံဖြင့် ဆန္ဒပြမှုများ ပြုလုပ်လျက်ရှိသည်။