Connect with us

Hi, what are you looking for?

LuduNwayOo

News

မြင်းခြံမှ စစ်ကောင်စီသတင်းပေး ရပ်၊ကျေးအုပ်ချုပ်ရေးမှူး သေနတ်ဖြင့်ပစ်သတ်ခံရ

မြင်းခြံမြို့အနီးရှိ သဲဖြူ၀ကျေးရွာ အုပ်ချုပ်ရေးမှူး ဦးမြင့်ဌေးသည် ယနေ့နံနက် ၁၁နာရီခန့်တွင် သေနတ်ဖြင့် ပစ်သတ်ခံရ၍ သေဆုံးသွားကြောင်း အဆိုပါမြို့ခံတစ်ဦးက People’s Springသို့အတည်ပြုသည်။

“ရွာနဲ့ မြို့ကြားထဲမှာ အသတ်ခံရတာ။ ရင်ဘက်ကို အပစ်ခံရတာ အားလုံးပေါင်း သုံးချက်။ သူကတော့ တကယ့် ဒလန်အကြီးစားဗျ။ သူက လိုင်းပေါ်မှာလည်း တော်တော်စွာတယ်။” ဟု မြင်းခြံမြို့ခံက ပြောသည်။

အဆိုပါ ရပ်ကွက်အုပ်ချုပ်ရေးမှူးကို မြင်းခြံမြို့ ကျော်ဆီဆိုင်အနီး၌ ပစ်ခတ်ခဲ့ကြောင်း Seven People Defence Force(SPDF) က သတင်းထုတ်ပြန်သည်။ ထို့ပြင် EPC ရုံး၌ ဗုံးဖောက်ခွဲမှု လုပ်ဆောင်ခဲ့ကြောင်းလည်း ထုတ်ပြန်ခဲ့သည်။

အုပ်ချုပ်ရေးမှူး ပစ်သတ်ခံရပြီးနောက် အခင်းဖြစ်ပွားရာနေရာသို့ စစ်ကောင်စီ လက်နက်ကိုင်များ ရောက်ရှိလာပြီး ကျော်ဆီဆိုင် ပိုင်ရှင်ဖြစ်သူကို ဖမ်းဆီးသွားသည်ဟု မြင်းခြုံဒေသခံ တစ်ဦးက ပြောသည်။“ ကျော်ဆီဆိုင် သူဌေးကို ဖမ်းသွားတယ်။ ကိုကျော်သူဝင်းတဲ့။ သူက NLDမှာ နည်းနည်း အားကောင်းတဲ့သူ ဖြစ်တယ်။ ပျူစောထီးက တန်ပြန်ထုတ်တဲ့နာမည်ထဲမှာလည်း သူ့နာမည်က ပါတယ်။ ပျူစောထီးကလည်း NLD အမာခံတွေကို သတိထားနေဖို့ ထုတ်ထားတာပေါ့။ အခုဟာကတော့ ဆိုင်နားမှာ ဖြစ်လို့ ရောကြိတ်သွားတာနေမှာ။ နဂိုရ်ကတည်းကလည်း ဖမ်းချင်နေတာနေမှာ” ဟု ၎င်းက ဆိုသည်။

မြင်းခြံမြို့တွင် စစ်ကောင်စီသတင်းပေးများနှင့် စစ်ကောင်စီလက်နက်ကိုင်များကို တိုက်ခိုက်မှုများ မကြာခဏ ပြုလုပ်ခဲ့ရာ ယင်းသို့ ဆောင်ရွက်မှုများကို လူငယ်များဖြင့် ဖွဲ့စည်းထားသော Zero ပြောက်ကျား အဖွဲ့နှင့် SPDFက အဓိက လုပ်ဆောင်ခဲ့သည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

စစ်ကောင်စီတပ်များ ပစ်ခတ်လိုက်သောလက်နက်ကြီးကြောင့် ပြည်သူနှစ်ဦး သေဆုံးခဲ့ရပြီး သုံးဦးထိခိုက်ဒဏ်ရာရရှိခဲ့သလို ရွာသားတစ်ဦးကို ပစ်သတ်ခဲ့ပြီး ရွာသားတစ်ဦးအား ဖမ်းဆီးခဲ့ကာ ကေအဲန်ယူ-မူး(မုန်း)မြို့နယ်အတွင်းရှိ ကျေးရွာ(၂)ရွာကိုလည်း စစ်ကောင်စီတပ်များမှ အတင်းအဓမ္မပြောင်းရွှေ့စေခဲ့သည်ဟု ကေအဲန်ယူမှ ထုတ်ပြန်ထားသည်။

သတင်း

ယမန်နေ့ ညနေ ၃ နာရီခွဲတွင် စစ်ကောင်စီစစ်ကြောင်းသည် ဓားစာခံအဖြစ် ဒေသခံပြည်သူ ၁၂ဦးကို ဖမ်းဆီးခေါ်ဆောင်၍ မုံရွေးကြေးမုံရွာမှ ထွက်ခွာသွားကြောင်း ဒေသခံများက ပြောသည်။

သတင်း

စစ်ကောင်စီတပ်က ခင်ဦးမြို့နယ်အား ဆက်သွယ်ရေး၊ အစားအသောက် ရိက္ခာ၊ကုန်ပစ္စည်း၊ လမ်းကြောဖြတ်တောက်ခြင်းပြုလုပ်နေသည်ဟု ဒေသခံများက ယူဆ​ကြသည်။

သတင်း

မနေ့က ညနေပိုင်း ၃ နာရီလောက်မှာ စစ်ကောင်စီ ယာဉ်တန်းကို စောင့်ဆိုင်းပြီး မိုင်း ၃ လုံးနဲ့ ကြိုတင်တိုက်ခိုက်ဖို့စီမံခဲ့ပေမယ့် ၁ လုံးသာဖောက်ခွဲနိုင်ခဲ့တယ်လို့သိရပါတယ်။