မုံရွာမြို့ ပင်မသပိတ်စစ်ကြောင်း အပါအဝင် စစ်ကိုင်တိုင်း ယင်းမာပင်အရှေ့ခြမ်းနှင့် ဆားလင်းကြီးမြောက်ခြမ်းတို့ရှိ ရွာပေါင်းစုံ သပိတ်စစ်ကြောင်းသည် ယနေ့တွင် အင်အားထောင်နှင့်ချီ ဆက်လက်ချီတက်ဆန္ဒပြခဲ့ကြသည်။
“စစ်အာဏာရှင်ကို အမြစ်ပြတ်တော်လှန်ဖို့ မုံရွာမြို့ ပင်မသပိတ်စစ်ကြောင်းနှင့် ကျောင်းသားလူငယ်များ ဦးဆောင်သော လူထုစစ်ကြောင်းကြီးဟာ အရှိန်အဟုန် ကောင်းကောင်းနဲ့ ဆက်လက်ချီတက်နေဆဲဖြစ်ပါတယ်” မုံရွာပင်မသပိတ်စစ်ကြောင်းနှင့်ပတ်သက်ပြီး ပြည်သူ့ မီဒီယာ ကွန်ယက်-မုံရွာက ထုတ်ပြန်သည်။
ထို့အပြင် ရွာပေါင်စုံသပိတ်စစ်ကြောင်းနှင့်ပတ်သက်ပြီး “တော်လှန်ရေး ၁၂၂ ရက်မြောက် စစ်ကိုင်းတိုင်း ယင်းမာပင်အရှေ့ခြမ်း နှင့် ဆားလင်းကြီးမြောက်ခြမ်းတို့ ရွာပေါင်းစုံသပိတ်စစ်ကြောင်းဟာ အင်အားထောင်ချီဖြင့် ဆက်လက်ချီတက်ခဲ့ကြပြီး ပြည်သူမှပြည်သူသို့ ကျန်းမာရေးစောင့်ရှောက်မှုအဖွဲ့မှလည်း ပြည်သူများထံ Mask နှင့်ဆေးများကို မျှဝေပေးခဲ့ကြပါတယ်” ဟု ထုတ်ပြန်ထားသည်။
