လူထုသပိတ်တိုက်ပွဲကော်မတီဦးဆောင်သည့် မုံရွာမြို့ပင်မသပိတ်စစ်ကြောင်းသည် လူအင်အားအများအပြားဖြင့် ယနေ့တွင် စစ်အာဏာရှင်အလိုမရှိကြောင်း ဆန္ဒဖော်ထုတ်ဆက်လက်ချီတက်ခဲ့ကြသည်။
အဆိုပါပင်မသပိတ်စစ်ကြောင်းသည် အတားအဆီးများရှိသော်လည်း ရပ်ကွက်လမ်းကြားများမှတဆင့် မုံရွာမြို့၏ အဓိကလမ်းမကြီးဖြစ်သည့် ကျောက္ကာလမ်းမကြီးထက်သို့ ဆိုင်ကယ်စစ်ကြောင်းဖြင့် ချီတက်ခဲ့ပြီး သပိတ်ကိုအထိအခိုက်မရှိဘဲ ငြိမ်းချမ်းစွာ လူစုခွဲနိုင်ခဲ့ကြောင်း ပြည်သူ့မီဒီယာကွန်ယက်-မုံရွာက ထုတ်ပြန်သည်။
ဓါတ်ပုံ – ပြည်သူ့ မီဒီယာ ကွန်ယက်-မုံရွာ 
ဓါတ်ပုံ – ပြည်သူ့ မီဒီယာ ကွန်ယက်-မုံရွာ 
ဓါတ်ပုံ – ပြည်သူ့ မီဒီယာ ကွန်ယက်-မုံရွာ 
ဓါတ်ပုံ – ပြည်သူ့ မီဒီယာ ကွန်ယက်-မုံရွာ
စစ်ခေါင်းဆောင်များက ၎င်းတို့၏ ကိုယ်ကျိုးစီးပွားအတွက်ဖေဖော်ဝါရီ ၁ ရက်တွင် နိုင်ငံတော်အာဏာကို မတရားသဖြင့်အတင်းအဓမ္မသိမ်းယူထားသည်မှာ ၁၆၇ ရက်ရှိပြီဖြစ်သည်။
စစ်ကောင်စီတပ်ဖွဲ့ဝင်များက တိုက်ပွဲသုံးလက်နက်များကိုအသုံးပြု၍ ဆန္ဒပြပြည်သူများကို ပစ်ခတ်သတ်ဖြတ်နေသော်လည်းပြည်သူများက စစ်အာဏာ ရှင်စနစ်အလိုမရှိကြောင်းငြိမ်းချမ်းသောနည်းလမ်းမျိုးစုံဖြင့် လမ်းပေါ်ထွက်၍ နိုင်ငံတစ်ဝန်း ဆန္ဒထုတ်ဖော်နေကြသည်မှာလည်း၁၆၄ ရက်ရှိပြီဖြစ်သည်။
Public Service Announcement
