Connect with us

Hi, what are you looking for?

LuduNwayOo

News

စစ်​ဆေးရုံတွင် ​ဆေးကုသမှုခံယူ​နေ​သော DKBA စစ်ဦးစီးချုပ် ကိုဗစ်​ရောဂါဖြင့်ကွယ်လွန်

DKBA သည်စစ်တပ်က အာဏာသိမ်းမှုကို အပစ်ရပ် ၁၀ ဖွဲ့ အ​နေဖြင့် ကန့်ကွက်​သော်လည်း အာဏာသိမ်းစစ်​ကောင်စီနှင့် ​ဖေ​ဖော်ဝါရီ ၁ ရက်​နောက်ပိုင်း တိုက်ပွဲ ဖြစ်ပွားခဲ့ခြင်းမရှိဘဲ၊ကြားတွင် စစ်​ကောင်စီ နှင့်​တွေ့ဆုံ​ဆွေး​နွေးခဲ့​သောအဖွဲ့ဖြစ်သည်။

ဒီမိုကရေစီအကျိုးပြုကရင့်တပ်မတော်(DKBA) စစ်ဦးစီးချုပ် ဗိုလ်ချုပ်ကြီးစောမိုရှေးသည် COVID-19 ရောဂါကြောင့် ယနေ့ညနေပိုင်း၌ ကွယ်လွန်သွားပြီဖြစ်သည်။

မင်္ဂလာဒုံစစ်ဆေးရုံ၌ ကုသမှုခံယူနေစဉ် ယနေ့ မွန်းလွဲပိုင်း၌ ရောဂါအသည်းအသန်ဖြစ်ပွားခဲ့ပြီးနောက် ကွယ်လွန်သွားခြင်းဖြစ်သည်။

“ကိုဗစ်ကြောင့်ဆုံးတာ။ ဒီညနေ ၄နာရီကျော်လောက်မှာဆုံးတာ” ဟု ကရင်လက်နက်ကိုင်အဖွဲ့နှင့် နီးစပ်သူက ပြောသည်။

ဗိုလ်ချုပ်ကြီးစောမိုရှေး ကွယ်လွန်ပြီဆိုသည့် ပြောကြားချက်နှင့်ပတ်သက်၍ DKBA စစ်ဌာနချုပ်မှ ဗိုလ်မှူးကြီးစောဟိဒိုးက “ အဲဒီလိုကြားပါတယ်” ဟု ဖြေကြားသည်။

မွန်းလွဲပိုင်းက DKBA စစ်ဦးစီးချုပ် ကွယ်လွန်ကြောင်း သတင်းများထွက်ပေါ်စဉ်က ယင်းသတင်းမမှန်ကြောင်း၊ ရောဂါ ပြန်သက်သာလာကြောင်း ဗိုလ်မှူးကြီးဟောဟိဒိုးက ပြောကြားခဲ့သော်လည်း ညနေပိုင်း၌ စစ်ဦးစီးချုပ် ကွယ်လွန်ပြီဆိုသည့် သတင်းကို ကြားကြောင်း ဖြေကြားခဲ့ခြင်းဖြစ်သည်။

ဗိုလ်ချုပ်ကြီးစောမိုရှေးသည် လာမည့် ဩဂုတ် ၁ရက်နေ့တွင် ၅၃နှစ်ပြည့်မည်ဖြစ်ပြီး မူလကတည်းက ရောဂါအခံရှိကြောင်း DKBA အရာရှိတစ်ဦးက ပြောသည်။

DKBA သည် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA) လက်မှတ်ရေးထိုးထားသည့် ကရင်တိုင်းရင်းသားလက်နက်ကိုင်အဖွဲ့ဖြစ်သည်။

DKBA သည်စစ်တပ်က အာဏာသိမ်းမှုကို အပစ်ရပ် ၁၀ ဖွဲ့ အ​နေဖြင့် ကန့်ကွက်​သော်လည်း အာဏာသိမ်းစစ်​ကောင်စီနှင့် ​ဖေ​ဖော်ဝါရီ ၁ ရက်​နောက်ပိုင်း တိုက်ပွဲ ဖြစ်ပွားခဲ့ခြင်းမရှိဘဲ၊ကြားတွင် စစ်​ကောင်စီ နှင့်​တွေ့ဆုံ​ဆွေး​နွေးခဲ့​သောအဖွဲ့ဖြစ်သည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

NUG အစိုးရ၏ ကျန်းမာရေးဝန်ကြီးဌာနကလည်း ​မြန် မာနိုင်ငံတွင် ရက်သတ္တနှစ်ပတ်အတွင်း ကိုဗစ်ရောဂါကူးစက်ပြန့်ပွားမှု နှစ်ဆတိုးလာသည်ကိုတွေ့ရကြောင်း ကမ္ဘာ့ကျန်းမာရေးအဖွဲ့(WHO)၏စာရင်းများကို ကိုးကားပြီး သတိပေးသည်။

သတင်း

စစ်​ကောင်စီလက်​အောက်တွင် ကျန်းမာ​ရေး​စောင့်​ရေး​စောင့်​ရှောက်မှုစနစ်ပျက်ယွင်း​နေပြီး ကိုဗစ်ကူးစက်မှုအ​ခြေအ​နေမှန်ကိုသိရှိရန်ခက်ခဲသည်။

နိုင်ငံတကာ

ဘုရင်မကြီး ကွယ်လွန်သွားတဲ့နောက် နာရေး အစီအစဉ်တွေနဲ့ ထီးမွေခံ အရေးကိစ္စတွေကိုတော့ လတ်တလောမှာ နန်းတော်က မကြေညာသေးပါဘူး။ ဘုရင်မကြီး မကွယ်လွန်ခင် သားသမီး ၄ ယောက်စလုံးနဲ့ မြေးတော် မင်းသား ဝီလျံတို့ဟာ ဘုရင်မကြီးရဲ့ဘေးမှာ စုံစုံလင်လင် ရှိနေခဲ့တယ်လို့လည်း သိရပါတယ်။

နိုင်ငံတကာ

၁၉၈၅ ခုနှစ်မှာ ဆိုဗီယက် ခေါင်းဆောင် ဖြစ်လာတဲ့ ဂိုဗာချော့ဗ်ဟာ ဆိုဗီယက်ကို နိုင်ငံတကာနဲ့ ထိတွေ့ ဆက်ဆံမှုတွေ အစပြုအောင် လမ်းဖွင့်ပေးခဲ့သလို ပြည်တွင်းမှာလည်း သိသာထင်ရှားတဲ့ ပြုပြင်ပြောင်းလဲရေးတွေကို အကောင်အထည် ဖော်ခဲ့ပါတယ်။