မုံရွာမြို့ပင်မသပိတ်၏ လူထုစစ်ကြောင်းသည် စစ်အာဏာရှင်စနစ် တော်လှန်ဆန့်ကျင်ရန်အတွက် ယနေ့နံနက်တွင် အတားအဆီးအမျိုးမျိုးကြားမှ ရုန်းထွက်ပြီး ကြွေးကြော်သံများ ဟစ်ကြွေးကာချီတက်ခဲ့ကြသည်။
‘မုံရွာမြို့လယ်ခေါင်အတွင်းရှိ စျေးတစ်ခုတွင် စုဝေးခဲ့ပြီး သမဂ္ဂလူငယ်ခေါင်းဆောင် တစ်ဦးမှလည်း မြို့နေလူထုအား မကြောက်တရား ဟောပြောခဲ့ပါတယ်’ ဟု ပြည်သူ့ မီဒီယာကွန်ယက်-မုံရွာက ထုတ်ပြန်ထားသည်။
စစ်ခေါင်းဆောင်များက ၎င်းတို့၏ ကိုယ်ကျိုးစီးပွားအတွက်ဖေဖော်ဝါရီ ၁ ရက်တွင် နိုင်ငံတော်အာဏာကို မတရားသဖြင့်အတင်းအဓမ္မသိမ်းယူထားသည်မှာ ၁၇၆ ရက်ရှိပြီဖြစ်သည်။
စစ်ကောင်စီတပ်ဖွဲ့ဝင်များက တိုက်ပွဲသုံးလက်နက်များကိုအသုံးပြု၍ ဆန္ဒပြပြည်သူများကို ပစ်ခတ်သတ်ဖြတ်နေသော်လည်းပြည်သူများက စစ်အာဏာ ရှင်စနစ်အလိုမရှိကြောင်းငြိမ်းချမ်းသောနည်းလမ်းမျိုးစုံဖြင့် လမ်းပေါ်ထွက်၍ နိုင်ငံတစ်ဝန်း ဆန္ဒထုတ် ဖော်နေကြသည်မှာလည်း ၁၇၃ ရက်ရှိပြီဖြစ်သည်။
Public Service Announcement
