မုံရွာတွင် နန္ဒဝန်ရပ်ကွက်မှ ဒလန်တစ်ဦးအသတ်ခံရပြီး ​နောက် အုပ်ချုပ်​ရေးမှူးနှုတ်ထွက်စာတင်

ဒီ​နေ့ ဒလန်တစ်ဦးအသတ်ခံရတဲ့ မုံရွာမြို့ နန္ဒဝန်ရပ်ကွက်က စစ်​ကောင်စီခန့်ရပ်ကွက်အုပ်ချုပ်​ရေးမှူး ဦးစိုးမြင့်က အုပ်ချုပ်​ရေးမှူးအဖြစ်က​နေ နှုတ်ထွက်ခွင့်ပြုဖို့ မြို့နယ်​ထွေအုပ်ကို ဒီက​နေ့ပဲ တင်ပြထားပါတယ်။

နန္ဒဝန်ရပ်ကွက်ဟာ မုံရွာမြို့က ပြည်သူ​တွေ ငြိမ်းချမ်းစွာဆန္ဒပြခဲ့စဥ် ရက်ရက်စက်စက်ပစ်ခတ်သတ်ဖြတ် ဖြိုခွင်းခဲ့တဲ့​နေရာ တစ်​နေရာဖြစ်သလို ဒီ​နေ့မှာ​တော့ ဒလန်တစ်ဦးအသတ်ခံရပါတယ်။

အဲဒီဒလန်ကို Black Tiger နဲ့​လောကနတ် အဖွဲ့ကသုတ် သင်ခဲ့တယ်လို့ ​ကြေညာထားပါတယ်။
အသတ်ခံရတဲ့ဒလန်ဟာ ရဲသတင်း​ပေးဖြစ်သလို ဖေစ်ဘွတ်ခ်မှာကျန်စစ်သားအမည်နဲ့ အသုံးပြုသူဖြစ်ပါတယ်။ ရဲ​ဇော်အမည်ရဒလန်ဟာ​ မနက်က ဈေးဝယ်ကအပြန်မှာအသတ်ခံရတာဖြစ်ပါတယ်။

ဒလန်အသတ်ခံရတဲ့​နေ့မှာဘဲ ရပ်ကွက်အုပ်ချုပ်​ရေးမှူးက COVID-19 ​ရောဂါဖြစ်​နေတဲ့အတွက် ဆက်လက်တာဝန်ထမ်း​ဆောင်နိုင်ခြင်းမရှိ​တော့လို့ နှုတ်ထွက်ခွင့်ပြုပါလို့ စစ်​ကောင်စီရဲ့မြို့နယ်​ထွေအုပ်ကို တင်ပြတာဖြစ်ပါတယ်။