မင်းတပ်မြို့နယ်တွင် ယနေ့ အကြမ်းဖက်စစ်ကောင်စီတပ်နှင့် တိုက်ပွဲစစ်မျက်နှာ နှစ်ခုဖြစ်ခဲပြီး စစ်ကောင်စီဘက်မှ သေဆုံးနှင့် ဒဏ်ရာရရှိမှုနိုင်ပြီး CDFဘက်မှ ငါးဦး(မစိုးရိမ်ရ) ရရှိခဲ့ကြောင်း မင်းတပ်မြို့နယ်ပြည်သူ့အုပ်ချုပ်ရေးသတင်းအဖွဲ့က ယနေ့ညပိုင်းတွင် ထုတ်ပြန် သည်။
မင်းတပ်မြို့၏ အနောက်ခြမ်းစစ်မျက်နှာတွင် စစ်ကောင် စီဘက်မှ အင်အား ၁၅၀ခန့်ရှိပြီး နံနက် ၈နာရီတွင် တိုက်ပွဲစတင်ခဲ့သည်ဟု ဆိုသည်။
အဆိုပါ တိုက်ပွဲတွင် CDFဘပ်မှ နှစ်ဦး(မစိုးရိမ်ရ) ဒဏ်ရာရရှိခဲ့သည်ဟု ဖော်ပြထားသည်။
မြောက်ခြမ်းရှိ စစ်မျက်နှာတွင် စစ်ကောင်စီဘက်မှ အင်အား ၁၃၀ ကျော်ရှိပြီး ၎င်းတို့က အဖွဲ့ နှစ်ဖွဲ့ခွဲပြီး ထုံကိန်းရွာအနီးတွင် စစ်ကောင်စီတပ်ဖွဲ့တစ်ဖွဲ့နှင့် ယနေ့ညနေ ၅နာရီခန့်တွင် တိုက်ပွဲစတင်ခဲ့ပြီး ပြင်းထန်ခဲ့ကြောင်း ထုတ်ပြန်သည်။
တိုက်ပွဲနှစ်ခုလုံးကို စစ်ကောင်စီဘက်မှ အင်အားသာလွန်ပြီး လက်နက်ကြီးများ၊ ၄၀ မမ၊ ၆၀ မမ၊ ပခုံးထမ်းလောင်ချာများဖြင့် တရစပ် ထိုးစစ်ဆင်ခဲ့ကြောင်း ထုတ်ပြန်ချက်တွင် ပါရှိသည်။
အဆိုပါ တိုက်ပွဲတွင် စစ်ကောင်စီဘက်မှ ဒဏ်ရာရရှိသူနှင့် သေဆုံးမှုရှိနိုင်ပြီး CDFဘက်မှသုံးဦး(မစိုးရိမ်ရ) ဒဏ်ရာရရှိခဲ့ကြောင်း ထုတ်ပြန်ထားသည်။
