Connect with us

Hi, what are you looking for?

LuduNwayOo

News

မြန်မာစစ်တပ်ကျူးလွန်တဲ့ စစ်ရာဇဝတ်မှုတွေအတွက် အာဂျင်တီးနားတရားရုံးမှာ ရိုဟင်ဂျာငါးဦး ပထမဆုံးအကြိမ်သက်သေထွက်ဆို

လိင်ပိုင်းဆိုင်ရာအကြမ်းဖက်တာခံခဲ့ရသူ ၅ ဦးဟာ အာဂျင်တီးနားမြို့တော် Buenos Aires မှာ ရှိတဲ့ ဖက်ဒရယ်ရာဇဝတ်မှုဆိုင်ရာ တရားရုံးမှာ ဘင်္ဂလားဒေ့ရှ် ဒုက္ခသည်စခန်းတွေကနေ သက် သေထွက်ဆိုတာဖြစ်ပါတယ်။

မြန်မာနိုင်ငံက နှင်ထုတ်ခံခဲ့ရတဲ့ ဒုက္ခသည်တွေဟာ အာဂျင်တီးနားတရားရုံးမှာ ပထမဆုံးအကြိမ် သက်သေအဖြစ်ထွက်ဆိုခဲ့ပြီး အကြမ်းဖက်စစ်တပ်က သူတို့အပေါ်ကျူးလွန်တဲ့စစ်ရာဇဝတ်မှုတွေ နဲ့ပတ်သက်လို့ အပြည့်အ၀တရားစီရင် စုံစမ်းဖော်ထုတ်ဖို့ တိုက်တွန်းခဲ့ပါတယ်။

၂၀၁၇ တုန်းက ရခိုင်ပြည်နယ်မြောက်ပိုင်းမှာ မြန်မာစစ်တပ်ဟာ ထောင်ပေါင်းများစွာ သတ်ဖြတ် ခဲ့တယ်လို့ ယုံကြည်ရပြီး ရိုဟင်ဂျာ ခုနစ်သိန်းခွဲကို ဘင်္ဂလားဒေ့ရှ်ရှိ ဒုက္ခသည်စခန်းတွေဆီ အတင်းအကျပ်ထွက်ပြေးစေခဲ့ပါတယ်။ အဲဒီဖြစ်စဉ်မှာ စစ်တပ်တပ်ဖွဲ့ဝင်တွေဟာ ရိုဟင်ဂျာတွေ အပေါ် အဓမ္မပြုကျင့်တာ၊ သတ်ဖြတ်တာနဲ့ မီးရှို့ဖျက်ဆီးတာတွေ ကျူးလွန်ခဲ့တယ်လို့ ဆိုပါတယ်။

အဲဒီကျူးလွန်ခဲ့မှုတွေအတွက် မြန်မာခေါင်းဆောင်တွေကို အရေးယူဖို့အတွက် ‘အပြည်ပြည်ဆိုင် ရာ တရားစီရင်ပိုင်ခွင့်’ အရ အာဂျင်တီးနားတရားရုံးတစ်ခုမှာ အမှုဖွင့်ခဲ့ပြီး ကာယကံရှင်တွေက သက်သေအဖြစ် အဝေးကနေ ထွက်ဆိုချက်ပေးတာဖြစ်ပါတယ်။

လိင်ပိုင်းဆိုင်ရာအကြမ်းဖက်တာခံခဲ့ရသူ ၅ ဦးဟာ အာဂျင်တီးနားမြို့တော် Buenos Aires မှာ ရှိတဲ့ ဖက်ဒရယ်ရာဇဝတ်မှုဆိုင်ရာ တရားရုံးမှာ ဘင်္ဂလားဒေ့ရှ် ဒုက္ခသည်စခန်းတွေကနေ သက် သေထွက်ဆိုတာဖြစ်ပါတယ်။

“ဆယ်စုနှစ်များစွာ မြန်မာစစ်တပ်ဟာ ရိုဟင်ဂျာတွေကို ပြည်သူအဖြစ်ကနေ ဖယ်ထုတ်ဖို့ကြိုးပမ်းမှုအတွက် အပြစ်ဒဏ်ကနေ ကင်းလွတ်နေခဲ့ပါတယ်” လို့ အာဂျင်တီးနားမှာ အမှုဖွင့်ဖို့ လျှောက်ထားခဲ့တဲ့အဖွဲ့ခေါင်းဆောင် ဦးထွန်းခင်က ပြောပါတယ်။

အကြမ်းဖက်စစ်တပ်ကတော့ ဂျီနိုဆိုက်ကျူးလွန်မှုတွေကို ငြင်းဆန်ထားပြီး ၂၀၁၇ နယ်မြေရှင်းလင်းရေးဟာ ရိုဟင်ဂျာတပ်ဖွဲ့တွေကို အမြစ်ဖြတ်တာဖြစ်တယ်လို့ ပြောဆိုထားပါတယ်။
ရခိုင်ပြည်နယ်မြောက်ပိုင်းမှာ စစ်တပ်ကျူးလွန်ခဲ့မှုတွေနဲ့ပတ်သက်လို့ OIC အဖွဲ့ဝင်နိုင်ငံတွေ ကိုယ်စား ဂမ်ဘီယာက တရားလိုပြုလုပ်ကာ အပြည်ပြည်ဆိုင်ရာတရားရုံး (ICJ)မှာ မြန်မာနိုင်ငံကို ၂၀၁၉ နှစ်ကုန်ပိုင်းက တရားစွဲဆိုထားပါတယ်။

မြန်မာနိုင်ငံဟာ အာဂျင်တီးနားတရားရုံးမှာ အမှုဖွင့်တာကို တစ်စုံတစ်ရာတုံ့ပြန်ဆောင်ရွက်တာ မရှိပေမယ့် ကုလသမဂ္ဂတရားရုံးဖြစ်တဲ့ ICJ မှာတော့ အမှုရင်ဆိုင်နေပါတယ်။

ကိုးကား – Eastern Eye

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

ပညာသင်ကြားနေကြသည့် ကလေးငယ်များအား ပစ်မှတ်ထား တိုက်ခိုက်ခြင်းသည့် မြန်မာစစ်တပ်သည် လူမဆန်၊ ကြမ်းကြုတ်သည့် စစ်ရာဇဝတ်မှု ကျူးလွန်ခြင်းဖြစ်သောကြောင့် ယခုလို အွန်လိုင်းဓာတ်ပုံကမ်းပိန်းပြုလုပ်ရခြင်းဖြစ်ကြောင်း ကမ်းပိန်းတွင်ပါဝင်သည့် ကိုရီးယားပြည်သူတစ်ဦးက ပြောသည်။

သတင်း

နန်းမွေ့စံကို အကြမ်းဖက်စစ်ကောင်စီက ပြီးခဲ့သည့် သြဂုတ် ၅ ရက်တွင် ဖမ်းဆီးခဲ့ကြောင်း သတင်းထုတ်ပြန်ခဲ့ပြီး အထက်ပါအတိုင်း အမိန့်ချမှတ်ခဲ့ခြင်းဖြစ်သည်။

သတင်း

ဒါ့အပြင် ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းကို ဆက်လက်ခန့်ထားရေး၊ မြန်မာကိုကူညီသောအားဖြင့် ဝိုင်းကလစ်ပေးဖို့ လက်ကမ်းစာစောင်ဝေခြင်းနဲ့ အလှူခံခြင်းတို့လည်း ပြုလုပ်ခဲ့ကြတယ်လို့ သိရပါတယ်။

နိုင်ငံတကာ

“ရိုဟင်ဂျာတွေ ဘင်္ဂလားဒေ့ရှ်မှာ အကြာကြီး လာရောက် အခြေချ နေထိုင်နေခြင်းဟာ ကျွန်မတို့ နိုင်ငံရဲ့ စီးပွားရေး၊ သဘာဝ ပတ်ဝန်းကျင်၊ လုံခြုံရေးနဲ့ လူမှုနိုင်ငံရေးဆိုင်ရာ တည်ငြိမ်မှု ကဏ္ဍ အားလုံးကို ပျက်ပြားစေပါတယ်”လို့ ဟာဆီနာက ပြောပါတယ်။