ချင်းပြည်နယ် ထန်တလန်မြို့နယ်အတွင်း ဆောက်လုပ်ရေးလုပ်ငန်းများ ဆောင်ရွက်မှုကို စက်တင်ဘာပ ထမနောက်ဆုံးထားပြီး လုပ်ငန်းတာဝန်များ အပြီးဆောင်ရွက်ရန်နှင့် လုပ်ငန်းများ မပြီးဆုံးနိုင်ပါက လက်ရှိဆောင်ရွက်ဆဲလုပ်ငန်းများ ရပ်တန့်ရန် ထန်တလန်ချင်းပြည်ကာကွယ် ရေးတပ်(CDF)က သတိပေးချက် ထုတ်ပြန်သည်။
ယင်းမြို့နယ်အတွင်း လက်ရှိအချိန်ထိ လုပ်ငန်းဆောင် ရွက်လျက်ရှိသော လမ်းလုပ်ငန်း၊ ရေပွန်လုပ်ငန်း၊ ကျောက်ခင်း၊ ကျောက်ထုတ်လုပ်ငန်း၊ ဆောက်လုပ်ရေးလုပ်ငန်း အစရှိသည့် လုပ်ငန်း ဆောင်ရွက်ပေး နေသည့် ကုမ္ပဏီများ၊ လုပ်ငန်းရှင်များ၊ အစုအဖွဲ့နှင့် အစုစပ်လုပ်ငန်းများထံ ထန်တလန် CDFက အသိပေးခြင်းဖြစ်သည်။
လက်ရှိအချိန်တွင် စစ်ကောင်စီတပ်က အင်အား အများအပြားဖြင့် ထန်တလန်မြို့နယ်အတွင်း တပ်ဖြန့်လျက်ရှိသောကြောင့် ထန်တလန် CDF ၏ လုံခြုံရေးနှင့် ဆောင်ရွက်လျက်ရှိသော လုပ်ငန်းတာဝန်များအား အနှောက်အယှက်ဖြစ်နိုင်၍ ယခုကဲ့သို့ ထုတ်ပြန်ခြင်းဖြစ်သည်ဟု ဆိုသည်။ လိုက်နာပူးပေါင်းဆောင်ရွက်ခြင်းမရှိပါက အပြင်းအထန် အရေးယူမည်ဟု လည်း ဖော်ပြခဲ့သည်။
ထန်တလန်မြို့နယ်သို့ စစ်ကောင်စီတပ်က အင်အား ၂၀၀ ခန့်ဖြင့် ထိုးစစ်ဆင်လာ၍ ဩဂုတ် ၂၀၊ ၂၁ရက်နေ့များက တိုက်ပွဲဖြစ်ပွားခဲ့ကြောင်း ထန်တလန် CDFက ထုတ်ပြန်ထားသည်။
Public Service Announcement
