ဘားအံမြို့အခြေစိုက် အကြမ်းဖက်စစ်ကောင်စီရဲ့ အမှတ် ၂၂ ခြေလျင်တပ်မဌာနချုပ်ရှေ့မှာ ဒီကနေ့ညပိုင်း ဗုံးပေါက်ကွဲမှုဖြစ်ပွားခဲ့တယ်လို့ မြို့ခံတွေရဲ့ ပြောကြားချက်အရ သိရပါတယ်။
ဒီကနေ့ည ၆ နာရီခွဲကျော်အချိန်က ဘားအံမြို့ တပ်မ ၂၂ ဌာနချုပ်ရှေ့ ဂိတ်ပေါက်နားမှာ ပေါက်ကွဲမှုဖြစ်ခဲ့တာဖြစ်ပြီး ထိခိုက်မှုတွေကိုတော့ မသိရသေးဘူးလို့ မြို့ခံတစ်ဦးက ဆိုပါတယ်။
“ဂိတ်ပေါက်နားမှာ ပေါက်တာ။ အိမ်တွေပါတုန်တယ်။ တစ်မြို့လုံး မြို့ပြင်တွေအထိ ကြားရတယ်” လို့ ဘားအံမြို့ခံတစ်ဦးက ပြောပါတယ်။
ပေါက်ကွဲမှုတွေဖြစ်ပွားခဲ့ပြီးတဲ့နောက် တပ်မ ၂၂ ဌာနချုပ်ရှေ့မှာ စစ်ကောင်စီတပ်တွေက ရှာဖွေစစ်ဆေးတာတွေ လုပ်ဆောင်နေတယ်လို့ သိရပါတယ်။
Public Service Announcement
