စစ်ကိုင်းတိုင်းဒေသကြီး မုံရွာမြို့မှာ ယနေ့နံနက်အစောပိုင်းက ရစ်ချ်တာစကေး ၅ဒဿမ၅ အဆင့်ငလျင်လှုပ်သွားပြီး ပုဂံနဲရခိုင်အပြင် အလယ်ပိုင်းဒေသမြို့နယ်အများစုမှာ ငလျင်လှုပ်ရှားသွားခဲ့ပါတယ်။
ငလျင်ဟာ ယနေ့(အောက်တိုဘာ ၈ရက်)နံနက် ၁နာရီခန့်မှာ မုံရွာမြို့အနီးကိုဗဟိုပြုလှုပ်ခဲ့တာလို့ အမေရိကန်ဘူမိလေ့လာတိုင်းတာရေးဌာန-USGSက ထုတ်ပြန်ပါတယ်။
ငလျင်ကို မုံရွာ၊ ကနီ၊မင်းကင်း၊ ရေဦး၊ ရေစကြို၊ဂန့်ဂေါမြို့တွေအပြင် ပုဂံနဲ့ ရခိုင်ဒေသမှာလည်း သိသိသာသာခံစားလိုက်ရတယ်လို့ ဒေသခံတွေက ပြောပါတယ်။ပျက်စီးထိခိုက်မှုရှိ၊မရှိကိုတော့ မသိရသေးပါဘူး။
စစ်ကောင်စီဒေါက်တိုင် မိုးလေဝသနှင့်ဇလဗေဒညွှန်ကြားမှုဦးစီးဌာနကတော့ အဆိုပါငလျင်ဟာ ကနီမြို့အနီးမှာ ရစ်ချ်တာစကေး ၅ဒဿမ၆ အဆင့်နဲ့ လှုပ်သွားတာလို့ ထုတ်ပြန်ထားပါတယ်။
Public Service Announcement
