ချင်းပြည်နယ်နဲ့ စစ်ကိုင်းတိုင်းမှာ မြန်မာစစ်တပ်က စစ်အင်အားဆက်လက်တိုးမြှင့်နေတာကို ဗြိတိန်အစိုးရက အနီးကပ်စောင့်ကြည့်နေပြီး စစ်တပ်ရဲ့ ကျူးလွန်မှုတွေကို မှတ်တမ်းတင်ထားမယ်လို့ ဒီနေ့(အောက်တိုဘာ ၁၅)သတင်း ထုတ်ပြန်ပါတယ်။
ကြီးမားတဲ့ ထိုးစစ်ဆင်မှုဟာ လူမှုအသိုက်အဝန်းနဲ့ ၎င်းတို့ရဲ့ သက်မွေးဝမ်းကြောင်းလုပ်ငန်းတွေ၊ ပိုင်ဆိုင်မှုနဲ့ ဝတ်ပြုရာနေရာတွေကို ထိခိုက်စေတာကြောင့် ဗြိတိန်က စိုးရိမ်မကင်းဖြစ်မိ ကြောင်း နဲ့ တိုက်ပွဲသတင်းတွေကို အနီးကပ်စောင့်ကြည့်နေတယ်လို့ ထုတ်ပြန်ချက်မှာဖော်ပြပါတယ်။
ကြိမ်ဖန်များစွာ ကြီးမားသောတိုက်ခိုက်နေမှုတွေဟာ စစ်တပ်က မြန်မာပြည်သူလူထုအပေါ် အလေးထားမှုမရှိတာကို ပြသနေခြင်းဖြစ်ပြီး စစ်တပ်အနေနဲ့ အကြမ်းဖက်မှုကိုချက်ချင်းရပ်တန့်ကာ နိုင်ငံတကာဥပဒေကိုလေးစားလိုက်နာရမှာဖြစ်တယ်လို့ ဗြိတိန်က တိုက်တွန်းပါတယ်။
စစ်တပ်ရဲ့ ကျူးလွန်မှုတွေကို မှတ်တမ်းတင်ထားနိုင်ရေးအတွက် မြန်မာနိုင်ငံဆိုင်ရာလွတ်လပ်သော စုံစမ်းစစ်ဆေးမှု ယန္တရား(IIMM)နဲ့အတူ ဗြိတိန်က အနီးကပ် ဆက်လက်လုပ်ကိုင်သွားမယ်လို့ ဆိုပါတယ်။