အာဏာသိမ်းခေါင်းဆောင်ဗိုလ်ချုပ်မှူးကြီးမင်းအောင်လှိုင်နှင့် ၎င်းမိသားစုပိုင်ဆိုင်သည့် စီးပွားရေးလုပ်ငန်း ၁၅ခု ကို အကြမ်းဖက်လုပ်ငန်းအဖြစ် သတ်မှတ်ကြောင်း အမျိုးသားညီညွတ်ရေးအစိုးရ(NUG)က အောက်တိုဘာ ၁၈ ရက်တွင် ထုတ်ပြန်ကြေငြာလိုက်သည်။
ထိုလုပ်ငန်းများနှင့် ဆက်စပ်နေသော ပိုင်ရှင်အမည်ခံများ၊ ဒါရိုက်တာများ၊ အစုရှယ်ယာရှင်များ၊ ဝန်ထမ်းနှင့် စီးပွားရေးစက်တူလုပ်နေသူများကို အရေးယူသွားမည်ဟု အမျိုးသားညီညွတ်ရေးအစိုးရအဖွဲ့၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဝန်ကြီး ဒေါ်ခင်မမမျိုးကထုတ်ပြန်လိုက်ခြင်းဖြစ်သည်။
အကြမ်းဖက်စစ်ခေါင်ဆောင်မင်းအောင်လှိုင်သည် နိုင်ငံတော်ပုန်ကန်မှုနှင့် စစ်ရာဇဝတ်မူကျူးလွန်သူဖြစ်ပြီး မလျော်ဩဇာဖြင့် စစ်တပ်လုပ်ကိုင်ခွင့်နှင့် အင်အားကို အသုံးပြုပြီး စီးပွားရေးလုပ်ငန်းများကို မိသားစုပိုင်အကျိုးစီးပွားအတွက်ဆောင်ရွက်နေသည်ဟု အဆိုပါထုတ်ပြန်ချက်တွင်ဖော်ပြထားသည်။ထိုလုပ်ဆောင်ချက်ကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ စီးပွားရေးဆိုင်ရာထောက်လှမ်းရေးညွှန်ကြားရေးမှူးရုံးက စီစစ်တွေ့ရှိခဲ့ရသည်ဟုဆိုသည်။
မင်းအောင်လှိုင်နှင့် စစ်ကောင်စီအဖွဲ့ဝင်များသည် နိုင်ငံတော်ပုန်ကုန်မှုများကို ကျူးလွန်ခဲ့ကြသည့်အပြင် စစ်ရာဇဝတ်မူများကို ကျူးလွန်ခဲ့သည်ဟု NUGကဆိုသည်။ ၎င်းတို့ထဲတွင် မတရားမှုအား ဆန့်ကျင်ခဲ့ကြသည့် ပြည်သူ လူထုအား နည်းမျိုးစုံ ဖြင့်သတ်ဖြတ်ခြင်း၊ ဖမ်းဆီးနှိပ်စက်ခြင်း၊ ပြန်ပေးဆွဲခြင်း၊ ပြည်သူပိုင်ပစ္စည်းဖျက်ဆီးခြင်း၊ ခိုးယူခြင်း၊ ဓားပြတိုက်ခြင်း စသည့် တို့ ကျူးလွန် ခဲ့ကြောင်းလည်းပါရှိသည်။
Public Service Announcement
ထို လုပ်ငန်း ၁၅ ခုမှာ
(၁) A & M Mahar Foods and Medical Products ကုမ္ပဏီ
(၂) Sky One ဆောက်လုပ်ရေးကုမ္ပဏီ
(၃) The Yangon Restaurant နှင့် Yangon Gallery ပန်းချီပြခန်း
(၄) Everfit ကုမ္ပဏီ (ပြည်လမ်း City Mall ဈေးဝယ်စင်တာအပေါ်ထပ်ရှိ GymFitness ကာယ လေ့ကျင့်ခန်း)
(၅) Seventh Sense Company Limited ရုပ်ရှင်ထုတ်လုပ်ရေးနှင့် ဖျော်ဖြေရေးလုပ်ငန်း ကုမ္ပဏီ
(၆) စတယ်လာဆဲဗင်းကုမ္ပဏီလီမိတက် (Stellar Seven Entertainment Company Limited)
(၇) Azura Beach Resort ကမ်းခြေအပန်းဖြေစခန်း(ချောင်းသာ)
(၈) အောင်မြင့်မိုရ်မင်း အာမခံကုမ္ပဏီ
(၉) Mytel ဆက်သွယ်ရေးကုမ္ပဏီ
(၁၀) ဘုန်းမြတ်ပြည့်စုံ ကုမ္ပဏီလီမိတက် (Bone Myat Pyae Sone Trading Company Limited)
(၁၁) ကန်သာယာဆေးရုံ
(၁၂) JOOX MYANMAR Music platform
(၁၃) Pullman Hotel (မန္တလေး)
(၁၄) ငြိမ်းချမ်းပြည့်စုံ အဝေးပြေးကားဂိတ် (ရန်ကုန်-ရခိုင်)
(၁၅) မိုးကောင်းရတနာမိခင်နှင့်ကလေးအထူးကုဆေးရုံ တို့ဖြစ်သည်။
ယခုကြေညာသောလုပ်ငန်းစာရင်းတွင် အကြမ်းဖက်ခေါင်းဆောင်နှင့်မိသားစု အစုရှယ်ယာများစွာပါဝင်သော Mytelအော်ပရေတာ ၊ မြန်မာစီးပွားရေးဦးပိုင် ကဲ့သို့ လုပ်ငန်းကြီးများပါဝင်ခြင်းမရှိသေးသည်ကိုဆွေ့ရသည်။
