စစ်ကောင်စီနှင့်ကိုးကန့်တပ်(MNDAA)တို့ တိုက်ပွဲဆက်လက်ဖြစ်ပွားခဲ့ပြီး စစ်ကောင်စီတပ်၏ လက်နက်များ ထပ်မံသိမ်းဆည်းရမိကြောင်း MNDAA က ယနေ့(အောက်တိုဘာ၂၉) ထုတ်ပြန်သည်။
အောက်တိုဘာလလယ်ပိုင်းတွင် မုံးကိုးဖောင်းဆိုင်ဒေသသည် စစ်ကောင်စီတပ်နှင့် MNDAAတို့ တိုက်ပွဲပြင်းထန်စွာဖြစ်ပွားခဲ့သောနေရာဖြစ်ပြီးစစ်ကောင်စီမှ MNDAA တပ်ရှိရာ ရှိကျိကျတောင်တန်းကို လက်နက်ကြီးများဖြင့်ပြင်းထန်စွာ ပစ်ခတ်သည့်အပြင် မြေပြင်တွင်လည်း အထူးစစ်ဆင်ရေးအဖွဲ့များဖြင့်ထိုးစစ်ဆင်တိုက်ခိုက်ခဲ့သည်ဟု MNDAAက ဆိုသည်။
သို့သော် စစ်ကောင်စီသည် ရှုံးပွဲဖြင့်အဆုံးသတ်ကာ တိုက်ပွဲဖြစ်ပွားစဉ်ကာလတွင် MNDAAတပ်သည် စစ်မြေပြင်ကို ရှင်းလင်းရေးမလုပ်ဆောင်နိုင်ခဲ့ကြောင်း အသိပေးသည်။
အောက်တိုဘာ ၂၇ ရက်ကစ၍ စစ်မြေပြင်ရှင်းလင်းရေးကို လုပ်ဆောင်နေစဉ် စစ်ကောင်စီမှ စွန့်လွတ်ခဲ့သော လက်နက်ခဲယမ်းများကို ထပ်မံသိမ်းဆည်းရခဲ့ခြင်းဖြစ်သည်။
Public Service Announcement
အောက်တိုဘာ ၂၇ ရက် ညနေပိုင်းကလည်း စစ်ကောင်စီနှင့် အထူးဒေသ(၁) မူပန်(သိန္နီ)ခရိုင်တွင်ရှိသော ကိုးကန့်MNDAAတပ်တို့ မိုင်းယော်ဒေသ တွင် တိုက်ပွဲဖြစ်ပွားခဲ့သည်။
အလားတူ ကိုးကန့်ဒေသရှိ လုံးခမ် ၊ ဟေးရှန်း ၊ မုံးကိုးဗျူဟာကုန်းနှင့် ဖောင်းဆိုင်နေရာတွင် အခြေချသောစစ်ကောင်စီသည် မုံးကိုးခရိုင် ရှိကျိကျ တောင်တန်းရှိ ကိုးကန့်MNDAAတပ် ကို လက်နက် ကြီးများဖြင့် ပစ်ခတ်တိုက်ခိုက်ခဲ့သော လက်နက်ကြီးကျည်ဆန်စုစုပေါင်းမှာ ၅၀ကျော်အထက်ရှိပြီး MNDAAတပ်မှ တစ်ဦးဒဏ်ရာရရှိခဲ့သည်။
လက်တလော အခြေအနေအရ စစ်ကောင်စီသည် MNDAAတပ်ရှိရာသို့ နေ့စဉ်အင်အားတိုးချဲ့ လျက်ရှိပြီး တိုက်ပွဲအကြီးအကျယ်ဖော်ဆောင်ရန် ပြင်ဆင်နေသည်ကိုမြင်တွေ့နေရသည်ဟု MNDAAက သတ်မှတ်သည်။
