တွန်းပို့လာသောအခြေအနေအရ မိမိကိုယ်ကို ခုခံကာကွယ်ရန်အတွက်သာ လက်နက်အသုံးပြုရပေမယ့် လူ့အခွင့်အရေးကိုလေးစားလိုက်နာသူများဖြစ်ကြောင်း သက်သေပြဖို့လိုအပ်တယ်လို့ အမျိုးသားညီညွတ်ရေးအစိုးရ (NUG)လူ့အခွင့်အရေးဆိုင်ရာဝန်ကြီးဌာနက တိုက်တွန်းနှိုးဆော်ပါတယ်။
တရားမဝင် အကြမ်းဖက်စစ်ကောင်စီကို ဘက်ပေါင်းစုံက တွန်းလှန်နေကြသူတွေအနေနဲ့ မုန်းတီးလက်စားချေလိုသောစိတ်ကိုအခြေခံကာ အကြမ်းဖက်လုပ်ဆောင်ခြင်းများ၊ ခိုင်လုံသော အထောက်အထားမရှိဘဲ ဥပဒေမဲ့သတ်ဖြတ်ခြင်းများ၊ အရပ်သားများ အထူးသဖြင့် ကလေးသူငယ်များကို အကြမ်းဖက်တိုက်ခိုက်ရန်အတွက် လှုံ့ဆော်ရေးသားပြောဆိုနေမှုတွေကို ရှောင်ကြဉ်ကြဖို့ NUG က ဒီနေ့ (အောက်တိုဘာ ၂၉ ရက်)မှာ ထုတ်ပြန်ပါတယ်။
မည်သည့်အခြေအနေမှာဖြစ်စေ ခိုင်လုံတဲ့အထောက် အထားမရှိဘဲ ဥပဒေမဲ့ သတ်ဖြတ်ခြင်းတွေကို ဆောင်ရွက်မိပါက အဲဒီအတွက် တချိန်ချိန်မှာ တာဝန်ယူ၊ တာဝန်ခံရမှာကို နားလည်း သဘောပေါက်ထားဖို့လိုအပ်တယ်လို့လည်း ထုတ်ပြန်ချက်မှာ ဖော်ပြပါတယ်။
တရားသောတော်လှန်စစ်ကို ဆင်နွှဲနေသူတိုင်းဟာ ဖိနှိပ်မှုကို တွန်းလှန်ရာမှာလည်း မိမိတို့လုပ် ရပ်တိုင်းဟာ တရားမျှတမှုကို ရှေးရှုတဲ့လုပ်ရပ်တွေ ဖြစ်ရမယ်လို့ NUG လူ့အခွင့်အရေးဆိုင်ရာ ဝန်ကြီးဌာနက သတိပေးထားပါတယ်။
Public Service Announcement
