ရန်ကုန်မြို့ မရမ်းကုန်းမြို့နယ် (၇)ဂရပ်ကွက် တေးနုယဉ်လမ်းတွင်နေထိုင်သည့် စစ်တပ်ပိုင် Mytel ကုမ္ပဏီ၏ ငွေရေးကြေးရေးအရာရှိချုပ်(Chief Financial Officer) ယနေ့(နိုဝင်ဘာ ၄ ရက်)နံနက် ၇နာရီခွဲတွင် ပစ်သတ်ခံလိုက်ရကြောင်း အခင်းဖြစ်ရပ်ကွက်နေ ပြည်သူများက ပြောသည်။
Mytel၏ ငွေရေးကြေးရေးအရာရှိချုပ် ဗိုလ်မှူးဟောင်း သိန်းအောင်သည် ၎င်း၏ နေအိမ်ရှေ့တွင် ဇနီးဖြစ်သူ ဒေါ်သိမ့်အောင်သူနှင့်အတူ လမ်းလျှောက်ထွက်ရန် စောင့်ဆိုင်းနေစဉ် ပစ်သတ်ခံရခြင်းဖြစ်သည်။
ပတ်ခတ်မှုကြောင့် ဗိုလ်မှူးဟောင်းသိန်းအောင်မှာ ကျည်လေးချက်ထိမှန်ပြီး အခင်းဖြစ်နေရာတွင် သေဆုံးသွားသည်။ ၎င်း၏ ဇနီးဖြစ်သူသည် လက်၊ခါးနှင့် ခြေထောက်တို့တွင် ကျည်ဆံထိမှန် ဒဏ်ရာများရရှိခဲ့သည်။
အဆိုပါ ပစ်ခတ်မှုကို မည်သည့်အဖွဲ့က လုပ်ဆောင်သည်ကို မသိရသေးပဲ ထုတ်ပြန်အသိပေးခြင်းလည်း မရှိသေးပေ။
Public Service Announcement
ထိုသို့ ပစ်ခတ်မှုကြောင့် အကြမ်းဖက်စစ်ကောင်စီတပ်သားများက လမ်းနှင့်ရပ်ကွက်များကို ပိတ်ဆို့စစ်ဆေးနေကြောင်း မရမ်းကုန်းမြို့နယ်တွင် နေထိုင်သူများက ပြောသည်။
ဗိုလ်မှူးဟောင်းသိန်းအောင်သည် Mytelကုမ္ပဏီစတင်ထူထောင်ကတည်းက Chief Finance Officer အဖြစ်တာ၀န်ထမ်းဆောင်နေသူဖြစ်သည်။
ဦးသိန်းအောင်သည် ရေတပ်ဦးစီးချုပ်နှင့် အပတ်စဉ်တူ DSA အပတ်စဉ် (၂၈)ဆင်း ဖြစ်သည်။
