စစ်ကောင်စီထံမှ ရုန်းထွက်ပြီး ပြည်သူ့ဘက် ရပ်တည်လာသည့် စစ်ကောင်စီတပ်သားတစ်ဦးကို ကျပ်သိန်း ၃၀ ချီးမြှင့် ပေးအပ်ခဲ့ကြောင်း Karenni Generation Z Army (KGZ Army)က ယနေ့ထုတ်ပြန်သည်။
စစ်အာဏာရှင်မှ ပြည်သူများအပေါ် ရက်စက်ယုတ်မာမူများကိုလက်မခံနိုင်ပဲ ပြည်သူ့ဘက်မှရဲဝံ့စွာရပ် တည်၍ လက်နက်ခဲယမ်းဖြင့် CDMဝင်လာသော စစ်ကောင်စီတပ်သားတစ်ဦးကို ဝမ်းမြောက်ဂုဏ်ယူစွာ လက်ခံကြိုဆိုပြီး ချီးမြှင့်ငွေ ပေးအပ်ခဲ့ခြင်းထြစ်ကြောင်း ထုတ်ပြန်ကာ ဓာတ်ပုံများနှင့်အတူ ဖော်ပြခဲ့သည်။
KGZ Army အနေဖြင့် ပြည်သူနှင့်အတူ ပူးပေါင်းပြီး ပြည်သူ့ဘက် ၌ရပ်တည်မည့် CDM ရဲနှင့်စစ်သားများအား ကြိုဆိုလျက်ရှိကြောင်းလည်း အသိပေးထားသည်။
KGZ Armyသည် လက်တလော ဖယ်ခုံမြို့နယ် အတွင်းဖြစ်ပွားနေသည့် တိုက်ပွဲများတွင် ကရင်နီလက်နက်ကိုင်တပ်ဖွဲ့များ၊ ဒေသခံ ပြည်သူ့ကာကွယ်ရေးတပ်ဖွဲ့(PDF)များနှင့်အတူ ပူးပေါင်း တိုက်ပွဲဝင်နေသည့် အဖွဲ့တစ်ခုဖြစ်သည်။
Public Service Announcement
