ကိုးကန့်လက်နက်ကိုင်အဖွဲ့(MNDAA)၏ စနိုက်ဘာသမားမှ ပစ်ခတ်ခဲ့၍ စစ်ကောင်စီတပ်မှ တပ်သားတစ်ဦးသေဆုံးခဲ့ကြောင်း MNDAAက ထုတ်ပြန်သည်။
စစ်ကောင်စီသည် ယခုရက်ပိုင်းအတွင်း မုံးကိုးခရိုင်သို့ စစ်ကူများအဆက်မပြတ်ပို့ ဆောင်နေပြီး သိန္နီခရိုင်ဘက်တွင်လည်း MNDAAနှင့် တိုက်ပွဲများဖြစ်ပွားနေကြောင်း၊ နိုဝင်ဘာ ၉ရက်တွင် MNDAA နှင့် စစ်ကောင်စီတို့ သိန္နီခရိုင်၊ ဖုလုံအနောက်ဘက်တောင်တန်းတွင် တိုက်ပွဲဖြစ်ပွားခဲ့ရာ MNDAA စက်နိုက်ဘာသမား ၏ ပစ်ခတ်မှုကြောင့် စစ်ကောင်စီဘက် မှတပ်သားတစ်ဦးသေဆုံးခဲ့ကြောင်း ဖော်ပြသည်။
ယင်းနေ့ညနေပိုင်းတွင်လည်း မုံးကိုးခရိုင် ၊ ပန်ရင်လပဒေသတွင် အခြေချသော MNDAAတပ်သည် စစ်ကောင်စီ၏ ယာယီတပ်စခန်းတစ်ခုကို တွေ့ရှိ၍ ဝင်ရောက်ရှာဖွေရာ တပ်သုံး ရိက္ခာအချို့ကိုသိမ်းဆည်းရမိခဲ့ကြောင်း ထုတ်ပြန်ခဲ့သည်။
MNDAAအနေဖြင့် မုံးကိုးဒေသ စစ်ရေးတင်းမာမှု လျှော့ချလို၍ဟုဆိုကာ အဆိုပါဒေသရှိ နေရာသုံးခုမှ MNDAA တပ်များကို ဆုတ်ခွာမည်ဖြစ်ကြောင်း နိုဝင်ဘာ ၁၀ရက်တွင် ကြေညာထားသည်။
Public Service Announcement
