NUCCတွင် တိုင်းရင်းသားလက်နက်ကိုင်အဖွဲ့ ၈ဖွဲ့နဲ့ ပြည်နယ်အတိုင်ပင်ခံ​ကောင်စီ ၅ခုပါဝင်

အမျိုးသားညီညွတ်ရေးအတိုင်ပင်ခံကောင်စီ(NUCC)မှာ တိုင်းရင်းသားလက်နက်ကိုင်အဖွဲ့အစည်း ၈ဖွဲ့နဲ့ ပြည်နယ်အတိုင်ပင်ခံ​ကောင်စီ ၅ ခု ပါဝင်​နေပြီလို့ ဒီနေ့ပြုလုပ်တဲ့သတင်းစာရှင်းလင်းပွဲမှာ ​ကောင်စီဝင်​တွေက ​ပြောပါတယ်။

နိုင်ငံ​ရေးအရအမြင့်ဆုံးစုဖွဲ့မှုဖြစ်တဲ့ NUCCမှာ ပါဝင်​နေတဲ့ တိုင်းရင်းသားလက်နက်ကိုင်အဖွဲ့အစည်း(EAOs) ရှစ်ခုရဲ့အမည်အ​သေးစိတ် မ​ပြော​ပေမယ့် ဒီနေ့ (နိုဝင်ဘာ ၁၆ )ပြုလုပ်တဲ့ NUCC သတင်းစာရှင်းလင်းပွဲမှာပဲ KNU ၊ KNPP၊ CNFတို့က ကိုယ်စားပြုသူ​တွေပါ​နေတာကို​တွေ့ရပါတယ်။ ဒါ့အပြင် တချို့တိုင်းရင်းသားလက်နက် ကိုင် အဖွဲ့အစည်း​တွေက ပြည်နယ်အတိုင်ပင်ခံ​ကောင်စီ ရဲ့​​ခေါင်းစဥ်​အောက်က​နေပါဝင်တာရှိတယ်လို့ NUCCမှာပါဝင်တဲ့ KNUမှ ပဒို​စော​တောနီးက ရှင်းပြပါတယ် ။

ဒါ့အပြင် NUCC မှာအတိုင်ပင်ခံ​ကောင်စီ ငါးခုပါဝင်​နေပြီး ပြည်နယ်အ​ခြေခံတဲ့ အတိုင်ပင်ခံ​ကောင်စီ ​လေးခုနဲ့ လူမျိုးကိုအ​ခြေခံတဲ့ အတိုင်ပင်ခံ​​ကောင်စီတစ်ခုပါဝင်တယ်လို့ ကြားကာလချင်းအမျိုးသားအတိုင်ပင်ခံ​ကောင်စီကိုယ်စားပြုပြီး သတင်းစာရှင်းလင်းပွဲတက်​ရောက်တဲ့ ​ဒေါက်တာလျှန်မှုန်းဆာခေါင်းက​ ပြောပါတယ် ။

ကျန်​နေ​သေးတဲ့ပြည်နယ်​တွေက အတိုင်ပင်ခံ​ကောင်စီ​တွေနဲ့ တိုင်းရင်းသားလက်နက်ကိုင်အဖွဲ့အစည်း​တွေ၊အင်အားစု​တွေပါ​ဝင်လာ​အောင် ဆက်လက်ဖိတ်​ခေါ်ပြီး ပါဝင်ကြဖို့ ဖိတ်​​​​ခေါ် တယ်လို့လည်းဆိုပါတယ်။ စစ်အာဏာရှင်ဆန့်ကျင်တဲ့ အင်အားစုငါးစုအ​ပေါ် အ​ခြေခံပြီး​တော့ နိုင်ငံ​ရေးအရဦး​ဆောင်မှု​ပေးမယ့် စု​ပေါင်း​ခေါင်း​ဆောင်မှုနဲ့ဖွဲ့စည်းတယ်လို့​ပြောတဲ့ အမျိုးသားညီညွတ်ရေးအတိုင်ပင်ခံကောင်စီ(NUCC)မှာ အခုအခါ အစုအဖွဲ့ ၂၈ဖွဲ့ ပါဝင်ပြီး ​ရှေ့ဆက်ပြီးတိုးလာဖို့သာရှိတယ်လို့ မြန်မာနိုင်ငံအလုပ်သမားတပ်​ပေါင်းစုက ဦးနန္ဒာစစ်​အောင်က​ ပြောပါတယ် ။

Public Service Announcement

အာဏာသိမ်းစစ်အုပ်စုကို ဆန့်ကျင်​တော်လှန်ဖြုတ်ချဖို့အတွက် နိုင်ငံ​ရေးအတွက်အ​ရေးပါတဲ့ အင်အားစု​တွေရဲ့ စု​ပေါင်းရာဖြစ်တဲ့ NUCCဖွဲ့စည်းနိုင်တာက မြန်မာ့သမိုင်းတစ်​လျှောက် ကြီးမားတဲ့​အောင်မြင်မှုဖြစ်တယ်လို့ ​NUCC မှာပါဝင်တဲ့ စစ်အာဏာရှင်ဆန့်ကျင်​ရေး ပြည်သူ့အင်အားများ ချိတ်ဆက်ညှိနှိုင်း​ရေး​ကော်မတီ-မန္တ​လေးက​ ဒေါက်တာ​တေဇာဆန်းက​ ပြောပါတယ်။

NUCCက ဦး​ဆောင်ပြီးပထမဆုံးအကြိမ်ကျင်းပမယ့် ပြည့်သူ့ညီလာခံကိုလာမယ့်ဒီဇင်ဘာမှာကျင်းပဖို့ စီစဥ်ထားတယ်လို့လည်း​ပြောပါတယ်။