ဖမ်းဆီးအထိန်းသိမ်းခံရသူများနှင့် ကျဆုံးရဲဘော်များအတွက် အသက်ရှင်လွတ်လပ်နေသူများက နှစ်ဆတိုးအလုပ်လုပ်ရမည်ဖြစ်ပြီး ၊နှစ်ဆတိုးရဲရင့်ကြမည်ဟုသစ္စာပြုကြောင်း အမျိုးသားညီညွတ်ရေအစိုးရ(NUG)ကာကွယ်ရေးဝန်ကြီး ဦးရည်မွန်က ၎င်း၏ဖေစ်ဘွခ်လူမူကွန်ယက်တွင်ရေးသားသည်။
အမျိုးသားဒီမိုကရေစီအဖွဲ့ချုပ်(NLD)မှ လွှတ်တော်ကိုယ်စားလှယ်ဦးဇေယျာသော် နှင့် ရန်ကုန်မြို့ပြပျောက်ကြားလှုပ်ရှားသူအချို့ အာဏာသိမ်းစစ်ကောင်စီ၏ ဖမ်းဆီးခြင်းခံရပြီးနောက် ယနေ့ညပိုင်းတွင် ရေးသားခဲ့ခြင်းဖြစ်သည်။ ဦးဇေယျာသော်မှာ ယနေ့(နိုဝင်ဘာ ၁၈) ရန်ကုန်မြို့တွင် ဖမ်းဆီးခံရကြောင်း NLD အမတ်အချို့ကသတင်းဌာနအချို့ကို အတည်ပြုဖြေကြားထားသည်။ထိုအပြင် ယခုရက်ပိုင်းအတွင်း ရန်ကုန်တွင် မြို့ပြပျောက်ကျား တပ်ဖွဲ့ဝင်( ၂၀)ကျော်ဖမ်းဆီးခံခဲ့ရသည်။
ဦးရည်မွန်က စစ်မြေပြင်တွင် အသက်ပေးသွားသည့်ရဲဘော်များ၊ ခြေလက်အင်္ဂါစွန့်လှူသွားသည့် ရဲဘော်များ၊ မြို့ပြတွင်အန္တရာယ်ကြား၌ သူရသတ္တိနှင့်လှုပ်ရှားရင်း ဖမ်းဆီးထိန်းသိမ်းခံရသည့် ရဲဘော်များနှင့် ညှင်းပန်းနှိပ်စက်သတ်ဖြတ်ခံရသည့် ရဲဘော်များရှိပြီး ၎င်းတို့အဖမ်းခံရခြင်း၊ ကျဆုံးခြင်းစီတိုင်းအတွက် ကြေကွဲရသည်ဟုပြောသည်။
“တစ်ယောက် အထိန်းသိမ်းခံရတိုင်း၊ တစ်ယောက် ကျဆုံးတိုင်း ကျွန်တော်တို့ ကြေကွဲကြရတယ်။ ဝမ်းနည်းမဆုံး ဖြစ်ကြရတယ်။ သို့သော် ဒီတော်လှန်ရေးက ဆုံးအောင်သွားရမယ့် ခရီးပါ။အဆုံးထိသွားဖို့ ဆုံးဖြတ်ထားတဲ့ ရဲဘော်တွေ၊ ပြည်သူတွေ သိန်းသန်းချီ ရှိနေတယ်လို့ ယုံတယ်။ဒီတစ်ခါသန္နိဌာန်က သေချာတယ်။” ဟု ကာကွယ်ရေးဝန်ကြီးကရေးသားသည်။
Public Service Announcement
“အထိန်းသိမ်းခံရသူများ ကိုယ်စား ကျဆုံးရဲဘော်များ ကိုယ်စား၊ သက်ရှင်လွတ်လပ်နေသေးတဲ့ ကျွန်တော်တို့တတွေ နှစ်ဆတိုး အလုပ်လုပ်ကြမယ်။ နှစ်ဆတိုး ရဲရင့်ကြမယ်လို့ သစ္စာပြုပါတယ်။”ဟု ၎င်းက သစ္စာပြုရင်း တိုက်တွန်းထားသည်။
ထိုအတူပြည်သူ့စစ်သား( People’s Solder)အဖွဲ့ကလည်း “စိတ်ထိခိုက်စရာရှိရင်တောင် စိတ်ဓာတ်မကျပါနဲ့။ ကျန်နေသေးတဲ့ ကျနော်တို့တွေက ပိုပြီးတော့ ဆတိုးကြိုးစားကြတာပေါ့ခင်ဗျာ”ဟုတိုက်တွန်းထားသည်။ ပြည်သူ့စစ်သားအဖွဲ့မှာ စစ်အာဏာရှင်၏အမိန်ွအာဏာကို ဖီဆန်ပြီး ပြည်သူရင်ခွင်ခိုလှုံပြီး စစ်တပ်မှ ပြည်သူ့ရင်ခွင်ခိုလှုံလိုသူများကို ပြည်သူနှင့်ပူးပေါင်းနိုင်ရန်ကူညီနေသောအဖွဲ့ဖြစ်သည်။
