ရှမ်းပြည်နယ်မြောက်ပိုင်း မုံးကိုးဒေသရှိ ကိုးကန့်လက်နက်ကိုင်တပ်ဖွဲ့(MNDAA)၏ ချင်ချိုင့်ထန်တပ်စခန်းကို စစ်ကောင်စီမှ သုံးကြိမ်တိုင်တိုင် ထိုးစစ်ဆင် တိုက်ခိုက်ခဲ့သော်လည်း စစ်ကောင်စီတပ်များ အထိနာပြီး ပြန်လည်ဆုတ်ခွာသွားကြောင်း MNDAAက ထုတ်ပြန် သည်။
နိုဝင်ဘာ ၂၇ရက်နေ့၌ ဖြစ်ပွားခဲ့သည့် တိုက်ပွဲသတင်းများကို ယနေ့ နိုဝင်ဘာ ၂၉ရက်တွင် ထုတ်ပြန်ခဲ့ခြင်းဖြစ်သည်။
စစ်ကောင်စီတပ်သည် စစ်အင်အားတိုးချဲ့ပြီးနောက် နိုဝင်ဘာ ၂၇ ရက်နေ့တွင် MNDAA တပ်စခန်းကို ထိုးစစ်ဆင်လာကြောင်း၊ နံနက် ၉နာရီ ခွဲတွင် စစ်ကြောင်းနှစ်ကြောင်း ခွဲပြီး ထိုးစစ်ဆင်တိုက်ခိုက်လာရာ တိုက်ပွဲ ၁နာရီကျော်ကြာ ဖြစ်ခဲ့ကြောင်း၊ နေ့လည်ပိုင်းတွင် ထပ်မံထိုးစစ်ဆင်လာပြီး လက်နက်ကြီးများဖြင့်လည်း ပစ်ခတ်တိုက်ခိုက်ခဲ့ကြောင်း၊ နာရီဝက်ကြာ တိုက်ပွဲဖြစ်ပွားပြီး မွန်းလွဲ ၃နာရီခန့်၌ တတိယ အကြိမ် ထပ်မံ တိုက်ပွဲဖြစ်ခဲ့ကြောင်း ဖော်ပြသည်။
စစ်ကောင်စီအနေဖြင့် ထိုးစစ် သုံးကြိမ်လုံး အထိနာပြီးနောက်ပြန်ဆုတ်သွားကြောင်း၊ တိုက်ပွဲတွင် MNDAA တပ်မှ တစ်ဦး ဒဏ်ရာရပြီး စစ်ကောင်စီတပ်မှ သေဆုံးထိခိုက်မှု အခြေအနေ မသိရကြောင်း ထုတ်ပြန်သည်။
Public Service Announcement
စစ်ကောင်စီတပ်သည် MNDAA တပ်ရှိရာ ဖောင်းဆိုင်၊ မန်ရန်နှင့် ရှိကျိကျ ဒေသများသို့လည်း ပစ်ခတ်တိုက်ခိုက်မှု လုပ်ဆောင်ခဲ့ကြောင်း ဖော်ပြထားသည်။
