ဗကသများအဖွဲ့ချုပ် ဗဟိုကော်မတီဝင်ဟောင်းတစ်ဦးြစ်သူ ရဲဘော်နှင်းအောင်(ခ)အောင်ဘညိုသည် တော်လှန် ရေးအတွက်ကြိုးပမ်းရင်း စစ်ကောင်စီ၏လက်ချက်ဖြင့် ကျဆုံးသွားကြောင်း ဗမာနိုင်ငံလုံ၏ဆိုင်ရာ ကျောင်းသားသမဂဂများအဖွဲ့ချုပ်က ထုတ်ပြန်သည်။
ရဲဘော်နှင်းအောင်(ခ)အောင်ဘညိုသည် စစ်ကိုင်းတိုင်း ကန့်ဘလူမြို့နယ် တင်ငုတ်ကြီးကျေးရွာအနီးတွင် ယမန်နေ့(ဒီဇင်ဘာ ၃)က စစ်ကောင်စီတပ်များနှင့် ၎င်းတို့၏ လက်ပါးစေပျူစောထီးများ၏ ဖမ်းဆီးနှိပ်စက် သတ်ဖြတ်ခြင်းခံခဲ့ရခြင်း ဖြစ်သည်။
“ကိုနှင်းအောင်သည် စစ်အာဏာရှင်စနစ်ကို တွန်းလှန်တိုက်ဖျက်ရင်း၊ ပြည်သူ့တာဝန်များကို ထမ်းဆောင်ရင်း ဖက်ဆစ်အုပ်စု၏ အကြမ်းဖက် ဖမ်းဆီးညှဉ်းပမ်း နှိပ်စက်သတ်ဖြတ်မှုကြောင့် ဒီဇင်ဘာလ ၃ ရက်နေ့တွင် ကျဆုံးသွားသည်”ဟု ဗကသများအဖွဲ့ချုပ် ထုတ်ပြန်ချက်တွင် ဖော်ပြသည်။
ကျဆုံးသွားသော ရဲဘော်နှင်းအောင်(ခ)အောင်ဘညိုသည် ခင်းဦးမြို့နယ်ဇာတိဖြစ်ဖြစ်ပြီး ၂၀၁၆ မှ ၂၀၁၉ အထိ ဗကသများအဖွဲ့ချုပ် ဗဟိုကော်မတီဝင်နှင့် တိုင်းရင်းသားရေးရာတာဝန်ခံအဖြစ် တာဝန်ထမ်းဆောင်ခဲ့သူဖြစ်သည်။
Public Service Announcement
ကျဆုံးချိန်တွင် အသက် (၂၆) နှစ်ရှိပြီဖြစ်သော ရဲဘော်နှင်းအောင်(ခ)အောင်ဘညိုသည် တော်လှန်ရေးကာလအစောပိုင်းက မန္တလေးသပိတ်အင်အားစုတွင် လည်း ကောင်း လက်နက်ကိုင်တော်လှန်ရေးအတွင်း ကန့်ဘလူ၊တန့်ဆည်၊ ဒီပဲယင်းစသည့်ဒေသများတွင်လည်းကောင်း တက်ကြွစွာပါဝင်ဆင်နွှဲခဲ့သည်။
