စစ်ကိုင်းတိုင်ပကဖ က​ရှေ့တန်း​ရောက်ရဲ​​ဘော်​တွေကို သီတင်းကျွတ်မုန့်ဖိုးပေး

​အောက်တိုဘာ-၂၅၊၂၀၂၆။ရွှေပြည်စိုး/People’s Spring

စစ်ကိုင်းတိုင်းပြည်သူ့ကာကွယ်ရေးအဖွဲ့၊တိုင်းပကဖဦးစီးအဖွဲ့က ရှေ့တန်းရောက်ရဲ‌ဘော်တွေကို သီတင်းကျွတ်မုန့်ဖိုးပေးသလိုနွေဦးတော်လှန်ရေးအတွင်းကျဆုံး ရဲဘော်တွေရဲ့ မိသားစုဝင်တွေကိုလည်း ဂုဏ်ပြု ချီးမြှင့် ထောက်ပံ့ငွေပေးအပ်ခဲ့ပါတယ်။

အောက်တိုဘာလ၂၅ရက်မှာရှေ့တန်းရောက်ကာကွယ်ရေးရဲဘော်တွေကို သီတင်းကျွတ်မုန့်ဖိုးပေးခဲ့တာလို့ စစ်ကိုင်းတိုင်းထဲက ပကဖအဖွဲ့ဝင်တစ်ဦးက ပြောပါတယ်။ ဘတ်ဂျက်အနေအထားအရ ရဲဘော်တိုင်းကိုတော့ ပေးအပ်နိုင်ခြင်းမရှိခဲ့ဘူးလို့ ဆိုပါတယ်။

ဒါအပြင် ခင်ဦးမြို့နယ်အပါအဝင် စစ်ကိုင်းတိုင်းထဲကမြို့နယ်အများစုမှာလည်း နွေဦးတော်လှန်ရေးအတွင်းကျဆုံး ရဲဘော်တွေရဲ့ မိသားစုဝင်တွေကို ပကဖ ကဂုဏ်ပြုချီးမြှင့် ထောက်ပံ့ငွေပေးအပ်ခဲ့ကြောင်းသိရပါတယ်။

Public Service Announcement

ခင်ဦးမြို့နယ်ပကဖကလည်း တပ်ဖွဲ့မှာတာဝန်ထမ်း​ဆောင်ရင်း ကျဆုံးခဲ့တဲ့ ရဲ​ဘော်​တွေရဲ့ မိသားစု​​တွေကို သီတင်းကျွတ်လပြည့်အကြို အခါသမယမှာ ဂုဏ်ပြုချီးမြှင့် ထောက်ပံ့ငွေများ (၁၈)ကြိမ် မြောက် ပေးအပ်ခဲ့တယ်လို့ထုတ်ပြန်ပါတယ် ။တာဝန်ထမ်း​ဆောင်​နေတဲ့ရဲ​ဘော်​တွေကိုလည်း ဂုဏ်ပြု​ထောက်ပံ့​ငွေ​ပေးအပ်ခဲ့တယ်လို့ ​​ဖော်ပြပါတယ်။

စစ်ကိုင်းတိုင်းဟာ လူထုခုခံတိုက်ပွဲအားအကောင်းဆုံးတိုင်းဖြစ်ပြီး အမျိုးသားညီညွတ်ရေးအစိုးရကလည်း ထိန်းချုပ် ဒေသအများအပြားရှိနေပါတယ်။ လက်ရှိမှာလည်း အင်းတော်၊ကသာ၊ဝန်းသို၊ထီးချိုင့်မြို့နယ်‌တွေမှာတိုက်ပွဲတွေပြင်းထန်နေပြီး ရွှေဘိုနဲ့ယင်းမာပင်ခရိုင်ထဲကမြို့နယ်တွေမှာလည်း စစ်တပ်စစ်ကြောင်းတွေနဲ့ ​တော်လှန်​ရေးတပ်​တွေကြားတိုက်ပွဲတွေဖြစ်ပွားနေပါတယ်။