ဆားလင်းကြီးမြို့နယ် ညောင်ပင်ကြီးရဲစခန်းကို PDFများဝင်တိုက်

စစ်ကိုင်းတိုင်း၊ဆားလင်းကြီးမြို့နယ် ညောင်ပင်ကြီးရဲစခန်းကို ပြည်သူ့ကာကွယ်ရေးတပ်ဖွဲ့များမှ ဝင်ရောက်စီးနင်းပစ်ခတ်ခဲ့၍ အကြမ်းဖက်စစ်ကောင်စီလက်အောက်ခံ ရဲ
၅ ဦး သေဆုံးကြောင်း ဒေသခံများက ပြောသည်။

ယနေ့ဇန်နဝါရီလ၂ ရက်နေ့ နံနက်၄နာရီအချိန်ခန့်က ဝင်ရောက်စီးနင်းပစ်ခတ်ခဲ့ခြင်းဖြစ်ပြီး စစ်ကောင်စီတပ်သားအများအပြားသေဆုံးခဲ့ကြောင်း၊ ပြည်သူ့ကာကွယ်ရေးတပ်ဖွဲ့ PDFအဖွဲ့ဝင်တစ်ဦးကျဆုံးသွားကြောင်း ဒေသတွင်းသတင်းများတင်ဆက်နေသည့် မုံရွာချင်းတွင်းရိုးမသတင်းစာမျက်နှာက ရေးသားသည်။ သို့​သော်စစ်​ကောင်စီတပ်နှင့် ရဲများဘက်မှ အနည်းဆုံး ၅ ဦး​သေဆုံးပြီး ပြည်သူ့ကာကွယ်​ရေးတပ်ဖွဲွများဘက်မှ ထိ့ခိုက်ကျဆုံးသူမရှိ​ကြောင်း PDF နှင့်နီးစပ်သူတစ်ဦးက​မူပြောကြားသည်။

ညောင်ပင်ကြီးရဲစခန်းကို “မိုးကြိုးလျှပ်စီး အဖွဲ့ “နှင့်”ဆားလင်းကြီး PDF” တို့ပူးပေါင်းတိုက်ခိုက်ခဲ့ရာ ရဲ ၅ ယောက်သေဆုံးကြောင်းချင်းတွင်းရိုးမ မဟာမိတ်တပ်ပေါင်းစုက ထုတ်ပြန်သည်။

ရဲကင်းဂိတ်ဝင်ရောက်စီးနင်းပစ်ခတ်ချိန်တွင် ပေါက်ကွဲသံများလည်း ကြားရပြီးနယ်ခံများ ထွက်ပြေးတိမ်းရှောင်နေရကြောင်း ဒေသခံများကပြောသည်။

Public Service Announcement

ဆားလင်းကြီးမြို့နယ်အတွင်းရှိလမ်းပိုင်းများအား အ​ရေးကြီးကိစ္စရှိမှအသုံးပြုကြရန်၊ ညရှစ်နာရီမှမနက်ငါးနာရီအတွင်း အ​ရေး​​ပေါ်အ​ခြေ​​နေမှလွဲ၍အသုံးမပြုကြရန်​​မေတ္တာရပ်ခံထားပြီးအရေးကြီးကိစ္စ​ရှိ၍ သွားလာသည့်အခါ လမ်း၌ စစ်ကားများ​တွေ့ရှိပါက ဆက်မသွားရန် သတိ​ပေး​​မေတ္တာရပ်ခံထားသည်။