ကမ္ဘောဒီးယား အာဏာရှင်ဟွန်ဆန် နေပြည်တော်ကို ရောက်တဲ့နေ့မှာပဲ စစ်ကောင်စီဟာ သမ္မတဦးဝင်းမြင့်နဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ကို အဂတိမှု နဲ့ အမှု ၅ မှုထပ်တိုးတရားစွဲဆိုလိုက်ပါတယ်။
ဒီနေ့ မှာ ဒေါ်အောင်ဆန်းစုကြည်ကိုအဂတိမှု နဲ့ ရုံးထုတ်စစ်ဆေးခဲ့တာဖြစ်ပြီး နောက်ထပ် အဂတိမှု ၅ မှု ထပ်တိုးတဲ့အကြောင်းအသိပေးလာတာလို့ တရားရုံးအသိုင်းအဝိုင်းကနေသိရပါတယ်။
ဘယ်ကိစ္စတွေအတွက် အဂတိမှုနဲ့စွပ်စွဲ ထားတယ်ဆိုတာကိုတော့မသိရသေးပါဘူး။
ဒါကြောင့် လာမယ့် ရုံးချိန်းမှာ အဲဒီအမှုတွေအတွက် ရှေ့နေ ကိုယ်စားလှယ်စာတင်ရဖို့ရှိနေပါတယ်။
Public Service Announcement
စစ်တပ်အာဏာသိမ်းပြီးနောက်ဖြစ်ပေါ်နေတဲ့မြန်မာ့အရေးကိုဖြေရှင်းဖို့အတွက် အလှည့်ကျ အာဆီယံ ဥက္ကဋ္ဌ သစ်ဖြစ်လာသူ ဟွန်ဆန် ဟာ စစ်ကောင်စီခေါင်းဆောင်တွေနဲ့လက်တွဲလုပ်ရမယ်လို့ ပြောထားတာရှိပါတယ်။
အဲဒီနောက် စစ်ကောင်စီခေါင်းဆောင်နဲ့တွေ့ဆုံဖို့ နေပြည်တော်ကို ဒီနေ့မှာရောက်လာတာပါ။
ဒါပေမယ့် ဒေါ်အောင်ဆန်းစုကြည်နဲ့ တွေ့ဆုံခွင့်ရမှာမဟုတ်သလို သူရောက်တဲ့နေ့မှာပဲ ဒေါ်အောင်ဆန်းစုကြည်ကို စစ်ကောင်စီက အမှု ၅ မှု ထပ်တိုးလိုက်တာဖြစ်ပါတယ်။
ဒါကြောင့်စစ်ကောင်စီဟာ ဒေါ်အောင်ဆန်းစုကြည်ကိုအမှုပေါင်း ၁၇ မှုနဲ့ တရားစွဲဆိုထားတဲ့အထိဖြစ်လာပါတယ်။
ပြီးခဲ့တဲ့ ၂၀၁၉ ခုနှစ် အတွင်းက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကမ္ဘောဒီးယားကိုသွားရောက်ချိန်က ဟွန်ဆန်လာရောက်ကြိုဆိုစဉ် ( AFP)
