'/%3E%3C/svg%3E){kind=small}
အစိုးရ လျှို့ဝှက်အက်ဥပဒေ နဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့အတူ စစ်ကောင်စီရဲ့ မတရားဖမ်းဆီးတရားစွဲဆိုခံထားရတဲ့ NLD စီမံဘဏ္ဍာဝန်ကြီး ဦးစိုးဝင်းကို စစ်ကောင်စီက အာမခံပေးလိုက်တယ်လို့ တရားရုံးအသိုင်းအဝိုင်းကနေသိရပါတယ်။
ဖမ်းဆီးခံထားရတဲ့ ဦးစိုးဝင်းဟာ အသက် ၈၃ နှစ်ရှိပြီဖြစ်ကာ ပြီးခဲ့တဲ့ နှစ် ဒီဇင်ဘာလကတည်းက အူမကြီးကင်ဆာဝေဒနာကြောင့် နေပြည်တော်ကုတင် ၁၀၀၀ ဆေးရုံမှာ ကုသမှုခံယူနေရသူဖြစ်ပါတယ်။
စစ်တပ်ဟာ အာဏာသိမ်းပြီးတဲ့နောက် NLD အစိုးရ စီးပွားရေးအကြံပေး သြစတြေးလျနိုင်ငံသား ရှောင်တာနယ်နဲ့ပတ်သက်ပြီး ဒေါ်အောင်ဆန်းစုကြည်အပါအဝင် စီးပွားရေးဝန်ကြီး ၃ဦးကို ထောင်ဒဏ် ၁၄ နှစ်ထိချလို့ရတဲ့ အစိုးရ လျှို့ဝှက်အက်ဥပဒေနဲ့ ဖမ်းဆီးတရားစွဲဆိုထားတာပါ။
ဒေါ်အောင်ဆန်းစုကြည်နဲ့အတူ တရားစွဲဆိုခံရသူတွေကတော့ စီမံဘဏ္ဍာဝန်ကြီး ဦးစိုးဝင်း ၊ စီမံဘဏ္ဍာဝန်ကြီးဟောင်းဦးကျော်ဝင်း ၊ စီမံဘဏ္ဍာဒုဝန်ကြီး ဦးဆက်အောင်တို့ကိုဖြစ်ပါတယ်။
Public Service Announcement
ဒီထဲမှာ ဦးစိုးဝင်းဟာ NLD အစိုးရအဖွဲ့ထဲ အသက်အကြီး ဆုံးဖြစ်ပါတယ်။ ဒါအပြင် ဦးစိုးဝင်းဟာ ဘဏ္ဍာရေးဆိုင်ရာကျွမ်းကျင်သူလည်းဖြစ်ပါတယ်။
