မန္တလေးတိုင်း ကျောက်ပန်းတောင်းမြို့ရှိ လျှပ်စစ်မန်နေဂျာရုံးရှေ့၌ ယနေ့နံနက်က ကိုယ့်ကိုယ်ကိုယ် ဓာတ်ဆီလောင်းမီးရှို့ ဆန္ဒထုတ်ဖော်ခဲ့သည့် ကိုအောင်အောင် ကွယ်လွန်သွားပြီဖြစ်ကြောင်း အဆိုပါမြို့ခံတစ်ဦးက ယနေ့ညပိုင်း၌ ပြောသည်။
အသက် (၃၃)နှစ်အရွယ် ကိုအောင်မြင့်မြတ်(ခေါ်) ကိုအောင်အောင်သည် ညောင်ဦးမြို့ဆေးရုံ၌ ဆေးကုသနေစဥ် ကျဆုံးသွားပြီဟု KPG Update News ကလည်း ယနေ့ညပိုင်း၌ ဖော်ပြသည်။
မနက်ဖြန် ဖေဖော်ဝါရီ ၂ရက်၌ ညောင်ဦးဆေးရုံတွင် ရင်ခွဲစစ်ဆေးပြီးမှသာ ကျောက်ပန်းတောင်းမြို့သို့ သယ်ယူမည်ဟု ဆိုသည်။
“ဆုံးသွားပြီဆိုတာ ကြားတယ်” ဟု ကျောက်ပန်းတောင်းမြို့ခံတစ်ဦးက ပြောသည်။
ကိုအောင်အောင်သည် ယနေ့ ည ၇နာရီခွဲခန့်တွင် ကျဆုံးခဲ့ပြီး ၎င်းတွင်ဇနီးနှင့် ကလေး ဦး ကျန်ရစ်သည်ဟု သိရကြောင်း ဆိုသည်။
Public Service Announcement
ကိုအောင်အောင်သည် ၂၄နာရီလုံး အများပြည်သူ ပြည်သား မီးလင်းပါစေ၊ ၂၀၀၁-၂၀၀၂ သို့ ပြန်မသွားလိုကြောင်း စာတိုရေးသား ဆန္ဒထုတ်ဖော်ခဲ့သည်ဟု မြို့ခံအချို့က ပြောသည်။
လက်ရှိတွင် စစ်ကောင်စီအနေဖြင့် ကျောက်ပန်းတောင်း အပါအဝင် နေရာဒေသအသီးသီးတွင် မီးဖြတ်ခြင်းများ မကြာမကြာလုပ်ဆောင်နေပြီး ၎င်းကို ဆန့်ကျင်ကြောင်း ထုတ်ဖော်ပြသသည့် ကျေးရွာများ၊ ဒေသများကို ရက်ရှည်မီးဖြတ်တောက်မှု ပြုလုပ်နေသည်။
