'/%3E%3C/svg%3E){kind=small}
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပါအဝင် မတရားဖမ်းဆီးထားသူတွေကို ပြန်လွှတ်ပေးဖို့စစ်ကောင်စီကို ကုလလုံခြုံရေးကောင်စီ ထပ်မံတောင်းဆိုလိုက်ပါတယ်။
ကုလလုံခြုံရေးကောင်စီဟာဖေဖော်ဝါရီလ ၃ ရက် ရက်စွဲနဲ့ သတင်းထုတ်ပြန်ချက်တစ်စောင်ထုတ်ပြန်ခဲ့ပြီး မြန်မာနိုင်ငံမှာ အရေးပေါ်အခြေအနေကြေညာထားတာကိုစိုးရိမ်တယ်လို့လည်းဆိုထားပါတယ်။
ဒါအပြင် မြန်မာပြည်သူတွေရဲ့ ဆန္ဒသဘောထားနဲ့ အကျိုးစီးပွားအတွက် သက်ဆိုင်ရာအစုအဖွဲ့တွေ တွေ့ဆုံဆွေးနွေးကြဖို့ကိုလည်း ထပ်လောင်းတောင်းဆိုထားတာတွေ့ရပါတယ်။
မြန်မာ့အရေးမှာ အာဆီယံ က ကြားဝင်ဖြေရှင်းတာကို ကုလလုံခြုံရေးကောင်စီက ထောက်ခံအားပေးထားပြီး အာဆီယံအထူးကိုယ်စားလှယ်အဖြစ် ကမ္ဘောဒီးယားနိုင်ငံခြားရေးဝန်ကြီးကိုခန့်အပ်တာကိုလည်းကြိုဆိုတယ် ပြောထားပါတယ်။
Public Service Announcement
အာဆီယံအထူးကိုယ်စားလှယ်ရဲ့ မြန်မာနိုင်ငံ ခရီးစဉ်အတွင်းမှာသက်ဆိုင်တဲ့အစုအဖွဲ့အားလုံးနဲ့တွေ့ဆုံဆွေးနွေးနိုင်ဖို့မျှော်လင့်နေတယ်လို့လည်း ကုလလုံခြုံရေးကောင်စီက ဆိုထားပါတယ်။
