●ဗန်မော်မြို့အဝင်အထွက်ရှိစစ်ကောင်စီစစ်ဆေးရေးဂိတ်ကို KIA နှင့်PDF တိုက်ခိုက်
ဗန်းမော်မြို့ အဝင်အထွက်ရှိ စစ်ကောင်စီ စစ်ဆေးရေးဂိတ်ကို ယနေ့မနက်(ဖေဖော်ဝါရီ၇) ၄နာရီခန့်က ဗန်းမော်ပြည်သူ့ကာကွယ်ရေးတပ်ဖွဲ့-BPDFနှင့်ကချင်လွတ်လပ်ရေးတပ်မတော်- KIAတို့က လက်နက်ကြီး၊လက်နက်ငယ်များဖြင့် ပစ်ခတ်တိုက်ခဲ့သည်ဟု BPDFက သတင်းထုတ်ပြန်သည်။
ဗန်းမော်ပြည်သူ့ကာကွယ်ရေးတပ်ဖွဲ့ – BPDF တပ်ဖွဲ့သည် ကချင်လွတ်လပ်ရေးတပ်မတော် (KIO/ KIA) တို့ပူးပေါင်းတိုက်ခိုက်သည့် စစ်ဆေးရေးဂိတ်သည် ဖန်းခါးကုန်းရပ်၊ ဟန်းတဲရပ်ကွက်တွင်ရှိသည်။
ထိုသို့ပစ်ခတ်တိုက်ခိုက်ခြင်းသည် ဗန်းမော်မြို့တွင် အကြမ်းဖက်စစ်ကောင်စီတပ်ကို့ စစ်မျက်နှာစဖွင့်လိုက်ပြီဖြစ်ကြောင်း BPDFက အသိပေးသည်။ထိုသို့ အသိပေးရခြင်းမှာ ပြည်သူများအနေဖြင့် မတော်တဆ ထိခိုက်မူများ မဖြစ်စေရန်နှင့် အန္တရာယ်ကိုကြိုတင်ရှောင်ရှားနိုင်ရန်အတွက်ဖြစ်သည်ဟု BPDFက ကြေညာသည်။
Public Service Announcement
BPDFအနေဖြင့်လည်း အလျဉ်းသင့်လျှင် ထပ်မံတိုက်ခိုက်သွားမည်ဖြစ်၍ ပြည်သူများကြိုတင်ပြင်ဆင်ထားရန်လည်း အသိပေးထားသည်။
“ဖန်ခါးကုန်းမှာရှိတဲ့ ရဲစခန်းကို ဝင်ပစ်တာကို ရဲစခန်းကနေ ရမ်းသမ်းပြီးပြန်ပစ်ကြတယ်”ဟု ဒေသခံတစ်ဦးကပြောသည်၊
ယနေ့မနက်ပိုင်း ပစ်ခတ်မူကြောင့် ပြည်သူတစ်ဦး ထိခိုက်ဒဏ်ရာရရှိခဲ့သည်ဟုလည်း ဒေသခံများထံမှသိရသည်။ ထိုပြင် အကြမ်းဖက်စစ်ကောင်စီက စစ်ဘေးရှောင်စခန်းကိုလည်း လက်နက်ကြီးဖြင့် ပစ်ခတ်ခဲ့သေးသည်ဟု ဒေသခံများကပြောသည်။
