ကချင်ပြည်နယ် ဗန်းမော်မြို့နယ်ရှိ စစ်ကောင်စီတပ်နှင့် ရဲများ၏ စုပေါင်းဂိတ်ကို ကချင်လွတ်လပ်ရေးတပ်မတော် (KIA)နှင့် ပြည်သူ့ကာကွယ်ရေးတပ်(PDF)တို့ ပူးပေါင်း တိုက်ခိုက်ခဲ့၍ တိုက်ပွဲဖြစ်ခဲ့ကြောင်း KIA သတင်းနှင့် ပြန်ကြားရေးဌာနက သတင်းဖော်ပြသည်။
ယမန်နေ့(ဖေဖော်ဝါရီ ၇ရက်)က ဗန်းမော်မြို့နယ် ဖန်းခါးကုန်းရွာအနီးရှိ စုပေါင်းဂိတ်ကို တိုက်ခိုက်ခဲ့ခြင်းဖြစ်ပြီး နာရီဝက်ကြာ တိုက်ပွဲဖြစ်ခဲ့သည်ဟု ဆိုသည်။
တိုက်ပွဲအတွင်း နှစ်ဖက်ထိခိုက်ကျဆုံးမှု ရှိ၊မရှိ အခြေ အနေများကို ဖော်ပြမထားပေ။
တိုက်ပွဲဖြစ်ပွားရာသို့ စစ်ကောင်စီ၏ ခလရ(၄၇)တပ်မှ လက်နက်ကြီးဖြင့်ပစ်ခတ်၍ ဖန်းခါးကုန်းရွာရှိ အမျိုးသားတစ်ဦးကျည်စထိမှန် ဒဏ်ရာရရှိခဲ့ကြောင်း ဖော်ပြထားသည်။
Public Service Announcement
KIAနှင့် PDF တို့ပူးပေါင်းပြီး စစ်ကောင်စီတပ်စခန်း၊ ရဲစခန်း၊ စစ်ကြောင်းနှင့် ဂိတ်တို့ကို တိုက်ခိုက်မှုများ ဆက်တိုက်လုပ်ဆောင်လျက်ရှိသည်။
