ဖေဖော်ဝါရီ ၁၂ ရက်နေ့တွင်ကျရောက်မည့် ပင်လုံစာချုပ်ချုပ်ဆိုခြင်း (၇၅)နှစ်မြောက်အခမ်း အနားအကြို Profile Campaign တွင် ပြည်သူ များပူးပေါင်းပါဝင်ကြရန် အမျိုးသားညီညွတ် ရေးအစိုးရ(NUG)က မေတ္တာရပ်ခံသည်။
အသုံးပြုရမည့် Profile Campaign Frame များတွင် (၁)ပင်လုံစာချုပ်ကတိတည်၊ ဖက်ဒရယ်ဒီမိုကရေစီပြည်ထောင်စုဆီ၊ အာဏာရှင်စနစ်အ မြစ်ဖြတ်မည်၊ (၂)ပင်လုံမှသည်ဖက်ဒရယ်ဆီ၊ လူမျိုးကြီးဝါဒတိုက်ဖျက်ညီ၊ အာဏာရှင်စနစ်အမြစ်ဖြတ်မည်၊ (၃)တန်းတူရေးကိုရှေးရှုချီ ဖက်ဒရယ်ဒီမိုကရေစီပြည်ထောင်စုဆီ စသည့်စာသားများပါဝင်ကြောင်း ထုတ်ပြန်ချက်တွင် ဖော်ပြသည်။
“အခမ်းအနားအစီအစဉ်ကို အနာဂတ်ဖက်ဒရယ်ဒီမိုကရေစီပြည်ထောင်စု၏ အနှစ်သာရများ၊ တိုင်းရင်းသားများအားလုံး၏ စုစည်းညီညွတ်မှုများကို ထင်ဟပ်ပေါ်လွင်စေမည့် ပုံသဏ္ဍာန်ဖြင့် ကျင်းပပြုလုပ်သွားရန် စီစဉ်ဆောင်ရွက်လျက်ရှိပါသည်”ဟု NUG က အသိ ပေးသည်။
ထို့ကြောင့် Campaign တွင်ပါဝင်ပြီး Profile Frame များထဲမှ ကြိုက်နှစ်သက်ရာတစ်ခုကို ဖေဖော်ဝါရီလ (၁၂)ရက်နေ့အထိ ပြောင်းလဲပေးခြင်းအားဖြင့် တိုင်းရင်းသားပြည်သူအား လုံး ပူးပေါင်းပါဝင်ကာ စစ်အာဏာရှင်စနစ်ကို အမြစ်ဖြတ်ပြီး ဖက်ဒရယ်ဒီမိုကရေစီပြည် ထောင်စုဆီသွားရောက်မည့် ပြည်သူတစ်ရပ်လုံး၏ စိတ်ပိုင်းဖြတ်မှုကို ပြသပေးကြပါရန် မေတ္တာရပ်ခံ သည်။
Public Service Announcement
Profile Frame များပြောင်းလဲအသုံးပြုရာတွင် ယခုပါရှိသော Link ကို နှိပ်ပြီး twb.nz/towardsfederalunion1 မိမိနှစ်သက်ရာ Frame တစ်ခုကိုရွေးရန်၊ ထိုမှတဆင့် Choose Photo ကိုနှိပ်ရန်၊ ယင်းနောက် Files Manager ထဲက မိမိ Profile သုံးမည့်ပုံကိုရွေးရန်၊ ပြီးလျင် N ext ကို နှိပ်၍ Download ကိုဆက်နှိပ်ရန် စသဖြင့် အသေးစိပ် ရှင်းပြထားသည်။
