အမေရိကန်၊ ဩစတြေးလျ၊ အိန္ဒိယ၊ ဂျပန် လေးနိုင်ငံအဖွဲ့(Quad)က မြန်မာ့အကျပ်အတည်းကို လွန်စွာစိုးရိမ်ကြောင်းနှင့် အကြမ်းဖက်မှုများ ရပ်တန့်ရန် ထပ်လောင်းတောင်းဆိုလိုက်သည်။
ဒီမိုကရေစီနိုင်ငံကြီးလေးနိုင်ငံအဖွဲ့(Quad) နိုင်ငံခြားရေးဝန်ကြီးများသည် ဩစတြေးလျနိုင်ငံ၊ မဲလ်ဘုန်းမြို့၌ တွေ့ဆုံဆွေးနွေးခဲ့ကြပြီး ယင်းဆွေးနွေးပွဲ အပြီးပူးတွဲထုတ်ပြန်ချက်တွင် မြန်မာ့အရေးကို ထည့်သွင်းဖော်ပြခြင်းဖြစ်သည်။
အကြမ်းဖက်မှုများ ရပ်တန့်ရန်၊ နိုင်ငံခြားများအပါအဝင် မတရားဖမ်းဆီး ထိန်းသိမ်းခံရသူအားလုံးကို ပြန်လွှတ်ပေးရန်နှင့် လူသားချင်းစာနာမှုအကူအညီ များကို အဟန့်အတားမရှိ ခွင့်ပြုပေးရန် အချက်များကို Quad ပူးတွဲ ကြေညာ ချက်၌ ဖော်ပြသည်။
“မြန်မာ့အရေးအဖြေရှာဖို့ အာဆီယံရဲ့ ကြိုးပမ်းအားထုတ်မှုတွေကို ကျွန်ုပ်တို့ရဲ့ အားပေးထောက် ခံမှုကို ထပ်လောင်းအတည်ပြုပါတယ်။ အာဆီယံရဲ့ ဘုံဆုံးဖြတ်ချက် ၅ ရပ်ကို အရေးပေါ် အကောင် အထည်ဖော်ဖို့နဲ့ နိုင်ငံကို ဒီမိုကရေစီလမ်းကြောင်းအပေါ် အမြန်ဆုံးပြန်သွားဖို့ စစ်ကောင်စီကို ကျွန်ုပ်တို့ တောင်းဆိုပါတယ်” ဟု Quad နိုင်ငံခြားရေးဝန်ကြီးများက ထုတ်ပြန်သည်။
Public Service Announcement
ကိုးကား – ANI ၊ ဓာတ်ပုံ – Dr. S. Jaishankar-
